વિમેન્સ T20 વર્લ્ડ કપ માટેની ભારતીય ટીમમાં ચાર ક્રિકેટર્સ પાસે છે ૧૦૦ પ્લસ મૅચ રમવાનો અનુભવ

૧૫ સભ્યોની સ્ક્વૉડમાં હરમનપ્રીત કૌર સૌથી ઓલ્ડેસ્ટ અને શફાલી વર્મા સૌથી યંગેસ્ટ ખેલાડી, ૧૩ ખેલાડીઓની ઉંમર ૩૦ વર્ષથી નીચે

ફાઇલ તસવીર

ઑક્ટોબરમાં શરૂ થનારા મહિલા T20 વર્લ્ડ કપ 2024 માટેની તૈયારી શરૂ થઈ ગઈ છે. UAEમાં યોજાનારા આ વર્લ્ડ કપ માટે એક પછી એક ટીમ જાહેર થઈ રહી છે એવામાં ૧૫ સભ્યોની ભારતીય સ્ક્વૉડને લઈને કેટલાક રસપ્રદ આંકડા જાણવા મળ્યા છે. કૅપ્ટન હરમનપ્રીત કૌર (૩૫ વર્ષ ૧૭૪ દિવસ) આ ટીમની સૌથી ઓલ્ડેસ્ટ ખેલાડી છે, જ્યારે ઓપનર શફાલી વર્મા (૨૦ વર્ષ ૨૧૪ દિવસ) સૌથી યંગેસ્ટ ખેલાડી છે. વિકેટકીપર-બૅટર રિચા ઘોષ (૨૦ વર્ષ ૩૩૬ દિવસ) આ ટીમની યંગેસ્ટ ખેલાડીઓમાંની એક છે.

૧૫ સભ્યોની ટીમમાં માત્ર હરમનપ્રીત કૌર અને આશા શોભના જ એવી ખેલાડી છે જેમની ઉંમર ૩૦ પ્લસ છે. ૧૩ ખેલાડીઓની ઉંમર ૩૦ વર્ષથી નીચે છે. આ લિસ્ટમાં માત્ર ચાર ભારતીય એવી છે જે ૧૦૦ પ્લસ ઇન્ટરનૅશનલ T20 મૅચ રમવાનો અનુભવ ધરાવે છે. સાત ખેલાડી એવી છે જેમને ૫૦થી ઓછી મૅચ રમવાનો અનુભવ છે. આશા છે કે આ વર્લ્ડ કપમાં યંગસ્ટર્સથી ભરેલી આ ટીમ અનુભવી કૅપ્ટન હરમનપ્રીત કૌરના નેતૃત્વમાં દેશને પહેલો મહિલા T20 વર્લ્ડ કપ અપાવશે.

કોને કેટલી T20 મૅચ રમવાનો અનુભવ?

હરમનપ્રીત કૌર (૩૫ વર્ષ) - ૧૭૩

સ્મૃતિ માન્ધના (૨૮ વર્ષ) - ૧૪૧

શફાલી વર્મા (૨૦ વર્ષ) - ૮૧

દીપ્તિ શર્મા (૨૭ વર્ષ) - ૧૧૭

જેમિમા રૉડ્રિગ્સ (૨૩ વર્ષ) - ૧૦૦

રિચા ઘોષ (૨૦ વર્ષ) - ૫૫

યસ્તિકા ભાટિયા (૨૩ વર્ષ) - ૧૯

પૂજા વસ્ત્રાકર (૨૪ વર્ષ) - ૭૦

અરુંધતી રેડ્ડી (૨૭ વર્ષ) - ૨૯

રેણુકા સિંહ ઠાકુર (૨૮ વર્ષ) - ૪૭

દયાલન હેમલતા (૨૯ વર્ષ) - ૨૩

આશા શોભના (૩૩ વર્ષ) - ૦૩

રાધા યાદવ (૨૪ વર્ષ) - ૮૦

શ્રેયંકા પાટીલ (૨૨ વર્ષ) - ૧૨

સજના સજીવન (૨૯ વર્ષ) – ૦૯