ભારતની વિમેન્સ ટીમમાંથી લેડી સેહવાગની બાદબાકી

ઑસ્ટ્રેલિયા-ટૂર માટે શફાલી ઉપરાંત યંગ ઑલરાઉન્ડર શ્રેયાંકા પણ ડ્રૉપ

શફાલી વર્મા

ડિસેમ્બર ૨૦૨૪માં આયોજિત ઑસ્ટ્રેલિયા સામેની ત્રણ મૅચની વન-ડે સિરીઝ માટે ભારતીય સ્ક્વૉડની જાહેરાત કરવામાં આવી છે. આ ૧૬ સભ્યોની સ્ક્વૉડમાં ઘણા સ્ટાર પ્લેયર્સને ડ્રૉપ કરીને યંગ પ્લેયર્સને સ્થાન આપવામાં આવ્યું છે. શફાલી વર્મા, શ્રેયાંકા પાટીલ અને દયાલન હેમલતા જેવા સ્ટાર પ્લેયર્સ ખરાબ ફૉર્મને કારણે ડ્રૉપ થયાં છે, જ્યારે હરલીન દેઓલ અને રિચા ઘોષ સહિતનાં યંગ પ્લેયર્સે વન-ડે સ્ક્વૉડમાં વાપસી કરી છે. બ્રિસબેનમાં પહેલી વન-ડે પાંચમી ડિસેમ્બરે, બીજી ૮ ડિસેમ્બરે જ્યારે ત્રીજી મૅચ ૧૧ ડિસેમ્બરે પર્થમાં રમાશે.

આૅસ્ટ્રેલિયા-ટૂર માટે ભારતીય સ્ક્વૉડ: હરમનપ્રીત કૌર (કૅપ્ટન), સ્મૃતિ માન્ધના (વાઇસ-કૅપ્ટન), પ્રિયા પુનિયા, જેમિમા રૉડ્રિગ્સ, હરલીન દેઓલ, યાસ્તિકા ભાટિયા, રિચા ઘોષ, તેજલ હસબનીસ, દીપ્તિ શર્મા, મીનુ મણિ, પ્રિયા મિશ્રા, રાધા યાદવ, તિતાસ સાધુ, અરુંધતી રેડ્ડી, રેણુકા સિંહ ઠાકુર, સાયમા ઠાકોર.