21 October, 2024 09:14 AM IST | Mumbai | Gujarati Mid-day Correspondent
રિષભ પંત
પહેલી ટેસ્ટ દરમ્યાન ઇન્જરી થઈ હોવા છતાં પહેલી ઇનિંગ્સમાં ૨૦ અને બીજી ઇનિંગ્સમાં ૯૯ રનની ઇનિંગ્સ રમનારા રિષભ પંતની ભારે વાહવાહી થઈ રહી છે. તેણે આ હાર બાદ સોશ્યલ મીડિયા પર ટેસ્ટ દરમ્યાનની યાદગાર ક્ષણોના ફોટો શૅર કરીને ઇમોશનલ મેસેજ આપતાં લખ્યું હતું કે ‘આ રમત તમારી મર્યાદાઓનું પરીક્ષણ કરશે, તમને નીચે પછાડી દેશે, તમને ઉપાડશે અને ફરીથી તમને પાછળ ધકેલી દેશે; પરંતુ જેઓ આ રમતને પ્રેમ કરે છે તેઓ દરેક વખતે મજબૂત બને છે. પ્રેમ, સમર્થન અને ઉત્સાહ માટે બૅન્ગલોરના અદ્ભુત દર્શકોનો આભાર. અમે મજબૂત બનીને કમબૅક કરીશું.’