૪૬ રનમાં ઑલઆઉટ થયા એના કરતાં પણ ખરાબ બૅટિંગ

ન્યુ ઝીલૅન્ડના ભૂતપૂર્વ ક્રિકેટર ઇયાન સ્મિથે કૉમેન્ટરી દરમ્યાન ઝાટકણી કાઢી ભારતના બૅટરોની

ઇયાન સ્મિથ

બીજી ટેસ્ટની પહેલી ઇનિંગ્સમાં ભારત ૧૫૬ રનમાં ઑલઆઉટ થઈ ગયું એ વિશે ન્યુ ઝીલૅન્ડના ભૂતપૂર્વ ક્રિકેટર ઇયાન સ્મિથે કહ્યું હતું કે આ તો પહેલી ટેસ્ટની ઇનિંગ્સમાં ૪૬ રનમાં ઑલઆઉટ થયા હતા એના કરતાંય ખરાબ કહેવાય. હવે કૉમેન્ટરી માટે વિખ્યાત ઇયાન સ્મિથે કહ્યું હતું કે આ એકદમ પૂઅર બૅટિંગ હતી અને શૉટ-સિલેક્શન ભયંકર હતું. જે રીતે ભારતીય બૅટરો આઉટ થઈ રહ્યા હતા એ જોઈને  ઇયાન સ્મિથે કૉમેન્ટરી કરતાં કહ્યું હતું કે ખબર નહીં કેમ ભારતીય બૅટરો આક્રમક બની રહ્યા છે, તેમને લાગે છે કે તેઓ ન્યુ ઝીલૅન્ડના બોલરોને ઝૂડી કાઢશે, હજી તો આ ટેસ્ટમૅચનો બીજો જ દિવસ છે અને જે રીતે તેઓ રમી રહ્યા છે એ જોતાં તેઓ લાંબું નહીં ટકે.