04 April, 2024 07:33 AM IST | Mumbai | Gujarati Mid-day Correspondent
શ્રીલંકાની ક્રિકેટ ટીમ
બીજી ટેસ્ટના પાંચમા દિવસે અંતિમ ૩ વિકેટ ઝડપી શ્રીલંકાએ બંગલાદેશ સામે ૨૦મો ટેસ્ટ-વિજય નોંધાવ્યો હતો. પ્રથમ ટેસ્ટમાં ૩૨૮ રન અને બીજી ટેસ્ટમાં ૧૯૨ રનથી જીત મેળવીને શ્રીલંકાએ બે મૅચની ટેસ્ટ-સિરીઝમાં ક્લીન સ્વીપ કરી છે. શ્રીલંકન ટીમે બંગલાદેશમાં ટેસ્ટ-મૅચ ન હારવાનો રેકૉર્ડ જાળવી રાખવાની સાથે બંગલાદેશ સામે એક પણ ટેસ્ટ-સિરીઝ ન હારવાનો રેકૉર્ડ પણ જાળવી રાખ્યો છે. શ્રીલંકાએ અગાઉ T20 સિરીઝ ૨-૧થી જીતી હતી. જોકે એ વન-ડે સિરીઝ સમાન અંતરથી હારી ગયું હતું. ૫૧૧ રનના લક્ષ્યાંકનો પીછો કરતાં બંગલાદેશે મૅચના પાંચમા અને અંતિમ દિવસે સવારે ૭ વિકેટે ૨૬૮ રનથી અેની ઇનિંગ્સ આગળ વધારી અને આખી ટીમ ૩૧૮ રનમાં આઉટ થઈ ગઈ. શ્રીલંકાએ પ્રથમ ઇનિંગ્સમાં ૫૩૧ રન બનાવ્યા હતા. આ ઇનિંગ્સમાં છ બૅટ્સમેનોએ અડધી સદી ફટકારી હતી. શ્રીલંકાએ પહેલી ઇનિંગ્સમાં બંગલાદેશને ૧૭૮ રનમાં ઑલઆઉટ કરીને ૩૫૩ રનની લીડ મેળવી હતી. શ્રીલંકાએ એની બીજી ઇનિંગ્સ ૭ વિકેટે ૧૫૭ રન પર ડિકલેર કરી હતી. બીજી ઇનિંગ્સમાં બંગલાદેશ ૩૧૮ રન પર ઑલઆઉટ થતાં શ્રીલંકાએ ટેસ્ટ-સિરીઝ જીતી હતી.
એક પણ ટેસ્ટ-સિરીઝ નથી જીત્યું બંગલાદેશ |
|
કુલ ટેસ્ટ-સિરીઝ |
૧૩ |
શ્રીલંકાની જીત |
૧૨ |
બંગલાદેશની જીત |
૦૦ |
ડ્રૉ |
૦૧ |
બંગલાદેશ સામે શ્રીલંકાનો દબદબો |
|
કુલ ટેસ્ટ-મૅચ |
૨૬ |
શ્રીલંકાની જીત |
૨૦ |
બંગલાદેશની જીત |
૦૧ |
ડ્રૉ |
૦૫ |