વિરાટ કોહલી ફરીથી બનશે RCBનો કૅપ્ટન

વિરાટ કોહલી , એ. બી. ડિવિલિયર્સ

સાઉથ આફ્રિકાના અને રૉયલ ચૅલેન્જર્સ બેન્ગલુરુ (RCB)ના ભૂતપૂર્વ ક્રિકેટર એ. બી. ડિવિલિયર્સે સંકેત આપ્યો છે કે ઇન્ડિયન પ્રીમિયર લીગ (IPL)ની આગામી સીઝનમાં RCBનો કૅપ્ટન વિરાટ કોહલી હોઈ શકે છે. ડિવિલિયર્સે આ વાત પોતાની યુટ્યુબ ચૅનલ પર કહી છે. તે કહે છે કે આ વાત કન્ફર્મ નથી, પણ RCBની ટીમ જોતાં એવું લાગે છે કે વિરાટને ફરી કૅપ્ટન બનાવવામાં આવશે. વિરાટ લાંબા સમય સુધી RCBનો કૅપ્ટન રહી ચૂક્યો છે. ૨૦૨૧માં તેણે કૅપ્ટન્સી છોડી દીધી હતી.

૨૪-૨૫ નવેમ્બરે યોજાયેલા IPLના મેગા ઑક્શનમાં RCBએ બાવીસ મેમ્બરની ટીમ બનાવી હતી. આ ટીમમાં કૅપ્ટન બની શકે એવું વિરાટ સિવાય કોઈ દેખાતું નથી એટલે ડિવિલિયર્સને એવું લાગે છે કે કોહલીને જ ફરી જવાબદારી સોંપવામાં આવશે.