વાઇટ હાઉસના મેનુમાં ફેવરિટ છે પાણીપૂરી, સમોસાં અને ખોયા

છેલ્લાં કેટલાંક વર્ષોથી અમેરિકામાં પાણીપૂરીની લોકપ્રિયતા વધી છે.

પ્રતીકાત્મક તસવીર

અમેરિકાના વાઇટ હાઉસમાં એશિયન અમેરિકન, નેટિવ હવાઈયન ઍન્ડ પૅસિફિક આઇલૅન્ડર હેરિટેજ મન્થનું સેલિબ્રેશન થયું હતું. પ્રમુખ જો બાઇડને આ કાર્યક્રમમાં ભારતીય અમેરિકનોને પણ આમંત્રિત કર્યા હતા. તેમનું સ્વાગત ‘સારે જહાં સે અચ્છા’ ગીત સાથે કરવામાં આવ્યું હતું. એ દરમ્યાન મહેમાનોએ પાણીપૂરી, સમોસાં અને ખોયા જેવી ભારતીય વાનગીનો સ્વાદ માણ્યો હતો. આ વાનગી ઘણી વાર વાઇટ હાઉસના મેનુમાં હોય છે અને એ ઇન-હાઉસ તૈયાર થાય છે. ભારતીય અમેરિકન સમુદાયના નેતા અજય જૈન ભુટોરિયાએ જણાવ્યું હતું કે આ પાણીપૂરી ટેસ્ટમાં ફિક્કી અને થોડી તીખી હતી, પણ ભારતની યાદ અપાવી ગઈ. છેલ્લાં કેટલાંક વર્ષોથી અમેરિકામાં પાણીપૂરીની લોકપ્રિયતા વધી છે.