આ હાઇટેક રેસ્ટોરાં છે સંપૂર્ણપણે ‘ઑટોમેટેડ’

મૅક્ડોનલ્ડ્સે અમેરિકાના ટેક્સસમાં એની પહેલી ઑટોમેટેડ રેસ્ટોરાં શરૂ કરી છે

‘રોબોટિક’ રેસ્ટોરાં

અત્યારે ટેક્નૉલૉજી જીવનના અનેક અનુભવોને વધારે મજેદાર બનાવી રહી છે. ફાસ્ટ ફૂડ જાયન્ટ મૅક્ડોનલ્ડ્સે આવો જ એક્સ્પીરિયન્સ કરવાનું નક્કી કર્યું હતું. મૅક્ડોનલ્ડ્સે અમેરિકાના ટેક્સસમાં એની પહેલી ઑટોમેટેડ રેસ્ટોરાં શરૂ કરી છે. આ ‘રોબોટિક’ રેસ્ટોરાં સંપૂર્ણપણે ઑટોમેટેડ છે, જ્યાં ઑર્ડર લેવા માટે કોઈ માણસની જરૂર નથી પડતી. કસ્ટમર ઑર્ડર આપે ત્યાંથી લઈને એના પૅકિંગ સુધીની તમામ પ્રોસેસ ઑટોમૅટિક થાય છે. એક ઇન્ટરનેટ-યુઝરે તેના એક્સ્પીરિયન્સનો એક વિડિયો સોશ્યલ મીડિયા પર શૅર કર્યો હતો. આકાંક્ષ નામના આ યુઝરે ઇન્સ્ટાગ્રામ પર આ વિડિયો શૅર કર્યો હતો. આ વિડિયોમાં તે ટેક્સસમાં નવી શરૂ કરાયેલી રેસ્ટોરાંની બહાર જોવા મળે છે. તે અંદર જઈને કિઓસ્ક દ્વારા તેનો ઑર્ડર આપે છે અને રોબો એ ડિલિવર કરતો જોવા મળે છે. ત્યાર બાદ તે મોબાઇલ ઍપ્લિકેશન મારફત પણ બીજો ઑર્ડર આપતો જોવા મળ્યો હતો, જે ઑર્ડર એક વિન્ડોમાંથી ડિલિવર કરવામાં આવ્યો હતો.