આ બાઇક છે કે સુપરકાર?

ડિજિટલ કન્ટેન્ટ ક્રીએટર પ્રિયંકા કોચરે રીસન્ટલી ઇન્સ્ટાગ્રામ પર આ વિડિયો પોસ્ટ કર્યો હતો.

પોલારિસ સ્લિંગશૉટ આર બાઇક

સોશ્યલ મીડિયા પર અત્યારે એક વેહિકલનો વિડિયો વાઇરલ થઈ રહ્યો છે, જેને જોઈને લોકો કન્ફ્યુઝ થઈ ગયા છે. તેમને સવાલ થઈ રહ્યો છે કે આ વેહિકલ સુપરકાર છે કે બાઇક. ડિજિટલ કન્ટેન્ટ ક્રીએટર પ્રિયંકા કોચરે રીસન્ટલી ઇન્સ્ટાગ્રામ પર આ વિડિયો પોસ્ટ કર્યો હતો. પ્રિયંકાએ જણાવ્યું હતું કે રીસન્ટ‍્લી તેણે આ સ્પેશ્યલ વેહિકલમાં સવારી કરી હતી. તેણે એનો અનુભવ યુઝર્સની સાથે શૅર પણ કર્યો હતો. આ વિડિયોમાં આ વેહિકલ સુપરકાર જેવું દેખાય છે. આ વિડિયોની શરૂઆતમાં જોવા મળે છે કે તે પોતાના વેહિકલની આસપાસ ઊભા રહેલા કેટલાક લોકો સાથે વાતચીત કરી રહી છે. તે લોકોને સવાલ કરી રહી છે કે આ સુપરકાર છે કે બાઇક? મોટા ભાગના લોકોએ એને સુપરકાર ગણાવી હતી. જોકે બાદમાં તેમને કહેવામાં આવે છે કે આ કાર નહીં, પણ બાઇક છે. જોકે ત્યારે પણ લોકો એ વાત માનવા તૈયાર નહોતા.

કોચરે લોકોને જણાવ્યું કે વાસ્તવમાં એ પોલારિસ સ્લિંગશૉટ આર બાઇક છે જે થ્રી વ્હીલ પર ચાલે છે. એમાં કોઈ છત, દરવાજા કે વિન્ડો હોતાં નથી. એનું સમગ્ર ઇન્ટીરિયર વૉટરપ્રૂફ હોય છે. એનાં ટાયર ખાસ્સાં પહોળાં હોય છે, જેનાથી સારી ગ્રિપ મળે છે. આ વિડિયોને પોસ્ટ કરવામાં આવ્યા બાદ ૧૦ લાખથી વધુ જોવાયો છે.