પેટ્રોલની લાંબી લાઇન જોઈને એજન્ટ ઘોડા પર ડિલિવરી માટે નીકળ્યો

નવા હિટ ઍન્ડ રનના ઍક્ટ સામે ટ્રક-ડ્રાઇવરોના વિરોધ-પ્રદર્શનના પગલે રાતોરાત મુંબઈ અને અન્ય શહેરોમાં લોકોએ પેટ્રોલ પમ્પ પર કતાર માંડી હતી.

વાઇરલ વિડિયો ની તસવીર

નવા હિટ ઍન્ડ રનના ઍક્ટ સામે ટ્રક-ડ્રાઇવરોના વિરોધ-પ્રદર્શનના પગલે રાતોરાત મુંબઈ અને અન્ય શહેરોમાં લોકોએ પેટ્રોલ પમ્પ પર કતાર માંડી હતી. ત્યારે હૈદરાબાદમાં પણ આવાં જ દૃશ્યો સર્જાયાં હતાં. જોકે આ બધા વચ્ચે એક ર​મૂજી દૃશ્ય પણ સપાટી પર તરી આવ્યું હતું જેમાં એક વ્યક્તિ ઘોડા પર સવાર થઈ ઝોમૅટોના લોગોવાળી બૅગ લઈને ફરી રહ્યો હતો. આ વિડિયો ખૂબ જ વાઇરલ થયો હતો જેમાં ઝોમૅટો ​ડિલિવરી એજન્ટ ચંચલગુડા ઇમ્પીરિયલ હોટેલ નજીક ઘોડા પર સવાર હોવાનું દર્શાવાયું છે. રમૂજની વાત એ છે કે તે માત્ર ઘોડો ચલાવતો નથી, પણ લોકોને હાથ પણ બતાવી રહ્યો છે જાણે કોઈ રાજા નગરચર્યા પર નીકળ્યા હોય. દરમિયાન ત્યાંથી પસાર થતા કોઈએ પૂછ્યું કે શું થયું તો તેણે જણાવ્યું કે ‘પેટ્રોલ નહીં મિલા ભાઈ. તીન ઘંટે લાઇન મેં ખડા રહા. ઝોમૅટો સે નિકલ ગયા, પેટ્રોલ નહીં મિલા.’