08 June, 2024 10:36 AM IST | Washington | Gujarati Mid-day Correspondent
લક્ઝરી ટૅન્ટ
સામાન્ય રીતે ટેન્ટમાં રહેવાને લક્ઝરી નહીં, પણ ઍડ્વેન્ચર માનવામાં આવે છે. જોકે સોશ્યલ મીડિયા પર જે ટેન્ટની તસવીરો વાઇરલ થઈ છે એને જોતાં એ કોઈ લક્ઝરી ઘર લાગી રહ્યું છે. બ્લૅકપૂલ લેડ નામના ફેસબુક-પેજ પર આ ટેન્ટના અદ્ભુત ફોટો શૅર કરવામાં આવ્યા છે જેમાં લિવિંગરૂમ, બાથરૂમ, બેડરૂમ અને લૉબી પણ છે. ટેન્ટમાં પ્રવેશતાં જ એક નાનકડી જગ્યામાં ખુરસી-ટેબલ ગોઠવેલાં દેખાય છે. એની સામેની બાજુએ ત્રણ ભાગ પાડીને નાનકડા બેડરૂમ બનાવવામાં આવ્યા છે.
આ પોર્ટેબલ હાઉસમાં બાથરૂમ અને કિડ્ઝરૂમ પણ છે. એક ફોટોમાં નાનકડો પૂલ પણ છે જેમાં વૉશ બેસિન અને અન્ય સાધનો ગોઠવવામાં આવ્યાં છે. જોકે તમામ લક્ઝરી ઉપરાંત આ ટેન્ટની ખાસિયત એ છે કે એની ઉપર અને આજુબાજુ સીધો કુદરતી નઝારો દેખાય છે. આ તંબુની અંદરની વ્યવસ્થા જોઈને કોઈ પણ એવું કહેશે કે આવા ટેન્ટ માટે તો હું પણ કૅમ્પિંગ કરી લઈશ.