હાથબનાવટનાં આવાં મસમોટાં ચંપલ ક્યારેય તમે જોયાં નહીં હોય

એક જણે આ ચંપલ ગ્રેટ ખલી માટે પર્ફેક્ટ છે એમ જણાવ્યું હતું

વાઇરલ વિડિયોની તસવીર

પગરખાંની દુનિયા અનોખી છે. દરેક વ્યક્તિ પ્રસંગ, કામ, શોખ, જરૂરિયાત અનુસાર શૂઝ કે ચંપલની પસંદગી કરતી હોય છે; પણ સોશ્યલ મીડિયા પર જોવા મળેલાં આ ચંપલ તદ્દન અનોખાં છે. આ ચંપલમાં માત્ર પગ નહીં, આખેઆખો માણસ સમાઈ જાય છે. વિડિયોમાં એક ફુટવેર-શૉપમાં વેપારી આ મસમોટાં ચંપલ દર્શાવી રહ્યો છે. તે જણાવે છે કે આ ચંપલ સંપૂર્ણપણે હાથબનાવટનાં છે. આ વિડિયો જોઈને ઘણા યુઝર્સે રસપ્રદ કમેન્ટ્સ કરી હતી. એક જણે આ ચંપલ ગ્રેટ ખલી માટે પર્ફેક્ટ છે એમ જણાવ્યું હતું, તો અન્ય એક યુઝરે લખ્યું હતું કે ચંપલ પહેરવા માટે હોય છે, સૂવા માટે નહીં.