09 July, 2023 10:10 AM IST | Moscow | Gujarati Mid-day Correspondent
આઇફોન
રશિયન લક્ઝરી બ્રૅન્ડ કૅવિયર સ્માર્ટફોન્સના કસ્ટમાઇઝ્ડ વર્ઝન્સ બનાવવા માટે જાણીતી છે. રિસન્ટ્લી એક રશિયન યુટ્યુબ ચૅનલે એક આઇફોનનો વિડિયો પોસ્ટ કર્યો હતો, જેમાં દાવો કર્યો હતો કે એ દુનિયાનો સૌથી મોંઘો આઇફોન-૧૪ પ્રો મૅક્સ છે, જેની કિંમત સાડાચાર લાખ ડૉલર (એટલે કે લગભગ ૩.૭૧ કરોડ રૂપિયા) છે.
સ્વાભાવિક રીતે સવાલ થાય કે લમ્બોર્ગિની સુપરકાર કરતાં આઇફોન-૧૪ની કિંમત કેવી રીતે વધારે હોઈ શકે? એનો જવાબ એ છે કે એને સેંકડો ડાયમન્ડ્સથી જડવામાં આવ્યો છે અને એનું નામ ડાયમન્ડ સ્નોફ્લૅક રાખવામાં આવ્યું છે, જેના માત્ર ત્રણ જ પીસ અવેલેબલ છે. એને બ્રિટિશ જ્વેલરી બ્રૅન્ડ ગ્રાફ સાથે પાર્ટનરશિપમાં તૈયાર કરાયા છે.
આ ડાયમન્ડ સ્નોફ્લૅક આઇફોનની વિશેષતા સ્માર્ટફોનની બૅકપ્લેટની સાથે અટેચ કરાયેલું વિશાળ પેન્ડન્ટ છે. આ પેન્ડન્ટ પ્લૅટિનમ અને વાઇટ ગોલ્ડનું બનેલું છે.