20 March, 2024 09:36 AM IST | Mumbai | Gujarati Mid-day Correspondent
મર્ચન્ટ રૉયલ નામનું જહાજ
૧૬૪૧ની ૨૩ સપ્ટેમ્બરે મર્ચન્ટ રૉયલ નામનું જહાજ ઇંગ્લૅન્ડના કૉર્નવૉલના દરિયામાં ડૂબી ગયું હતું. આ જહાજની શોધખોળ સદીઓથી થઈ રહી છે, કારણ કે એમાં ૪ અબજ પાઉન્ડનું સોનું-ચાંદી હતાં. આ જહાજનો કાટમાળ શોધવામાં હજી સુધી કોઈને સફળતા નથી મળી, પરંતુ યુકેની મલ્ટિબીમ સર્વિસિસ નામની કંપનીનું માનવું છે કે તેઓ અદ્યતન ટેક્નૉલૉજીની મદદથી આ મહાકાય જહાજનો ભંગાર શોધી કાઢશે. આખું વર્ષ ચાલનારા આ સર્ચમાં માનવરહિત અન્ડરવૉટર જહાજ અને અડ્વાન્સ્ડ સોનાર ટેક્નૉલૉજીનો ઉપયોગ થશે. અલ ડોરાડો ઑફ ધ સીઝ તરીકે ઓળખાતું આ જહાજ ૧૭મી સદીમાં ડૂબ્યું ત્યારે એ ડાર્ટમાઉથ તરફ જઈ રહ્યું હતું. જહાજ ડૂબતાં પહેલાં રિપેરિંગ અને વધારાનો કાર્ગો લોડ કરવા માટે કેડિઝના સ્પૅનિશ પોર્ટ પર થોભ્યું હતું.