28 April, 2023 02:24 PM IST | Rio de Janeiro | Gujarati Mid-day Correspondent
છ પત્ની ધરાવતા બ્રાઝિલવાસીએ ૮૧.૫૨ લાખ રૂપિયાના ખર્ચે ૨૦ ફુટ પહોળો બેડ તૈયાર કરાવ્યો
બ્રાઝિલના સાઓ પાઉલોમાં રહેતા આર્થર ઓ ઉરસોને ૬ પત્ની છે. તે ફ્લોર પર સૂઈને કંટાળી ગયો હોવાથી તેણે ૮૦,૦૦૦ પાઉન્ડ (૮૧.૫૨ લાખ રૂપિયા)ના ખર્ચે ૨૦ ફુટનો બેડ તૈયાર કરાવ્યો હતો. આર્થર ૨૦X7 ફુટના બેડથી તેની લવ-લાઇફને સ્પાઇસી બનાવવા ઇચ્છતો હતો. આર્થર આ પહેલાં ૯ પત્નીઓનો પતિ હતો, પણ ગયા વર્ષે ૪ મહિલાઓ સાથે તેના ડિવૉર્સ થયા હતા.
તેણે રીસન્ટ્લી ૫૧ વર્ષની ઓલિન્દા મારિયા સાથે મૅરેજ કર્યાં હતાં. ઇન્સ્ટાગ્રામ પર બે લાખ ફૉલોઅર્સ ધરાવતા આર્થરે જણાવ્યું કે મારા માટે બેડ બનાવવા ૧૨ જણની ટીમે મહેનત કરી હતી અને ૯૫૦ સ્ક્રૂ ઉપયોગમાં લેવાયા હતા.