27 May, 2023 08:32 AM IST | Georgia | Gujarati Mid-day Correspondent
૧૦૦૦ વર્ષ જૂના પેઇન્ટિંગ
જીઝસ ક્રાઇસ્ટના એક હજાર વર્ષ જૂના પેઇન્ટિંગમાં યુએફઓ જોવા મળ્યા બાદ અનેક લોકો એલિયન્સનું અસ્તિત્વ હોવાનું માનવા લાગ્યા છે. આ પેઇન્ટિંગ જ્યૉર્જિયામાં સ્વેટિત્ખોવેલી કૅથીડ્રલની દીવાલ પર જોવા મળે છે. આ પ્રાચીન પેઇન્ટિંગમાં જીઝસ ક્રૉસ પર જોવા મળે છે, પરંતુ બૅકગ્રાઉન્ડમાં યુએફઓ હોય એમ જણાય છે.
એ વસ્તુ ત્રણ પગ ધરાવતા વિશાળ બટન જેવું દેખાય છે એટલું જ નહીં, પેઇન્ટિંગમાં એક માણસ એ ઊડતી રકાબી તરફ ઇશારો કરતો હોય એમ જણાય છે.
આ પ્રાચીન પેઇન્ટિંગના મૂળ અને આર્ટિસ્ટ્સ વિશે માહિતી મળી નથી. જોકે એમ માનવામાં આવી રહ્યું છે કે એ લગભગ એક હજાર વર્ષ જૂનું છે.