વિચિત્ર કાર-ઍક્સિડન્ટથી નેટિઝન્સ ચકિત

સોશ્યલ મીડિયા પર એક કાર-ઍક્સિડન્ટના ફોટો રિલીઝ થયા છે, જેને જોતાં નેટિઝન્સ આશ્ચર્ય પામ્યા છે.

ભયાનક અકસ્માત

સોશ્યલ મીડિયા પર એક કાર-ઍક્સિડન્ટના ફોટો રિલીઝ થયા છે, જેને જોતાં નેટિઝન્સ આશ્ચર્ય પામ્યા છે. આ અકસ્માત એટલા બધા પ્રશ્ન ઊભા કરે છે કે જો એનો વિડિયો ઉતારવામાં ન આવ્યો હોત તો વિશ્વાસ કરવો શક્ય નહોતો. વિડિયોમાં સ્પષ્ટ જોઈ શકાય છે કે વાહન રસ્તાની કિનારે રહેલા થાંભલા સાથે ખૂબ ખરાબ રીતે ટકરાય છે.
 જોકે આ અકસ્માત કેવી રીતે થયો છે એ જ સમજાતું નથી. અકસ્માતમાં કાર થાંભલા સાથે ટકરાયા બાદ એનું બોનેટ સંપૂર્ણપણે નષ્ટ થયું છે. સૌથી વધુ આશ્ચર્ય એ વાતનું છે કે જો કાર થાંભલા સાથે ટકરાઈ હતી અને બોનેટને નુકસાન પહોંચ્યું હતું તો થાંભલો કારની વિન્ડશીલ્ડની વચ્ચે કેવી રીતે ફસાયો? વાહનને આટલું ભારે નુકસાન પહોંચ્યા છતાં કારનાં વાઇપર્સ બરાબર કામ કરી રહ્યાં હતાં. કારની બાજુમાં બે વ્યક્તિ કદાચ મદદ કરવાની આશાએ ઊભી હોય એમ જણાઈ રહ્યું છે. 
ટ્વિટર-યુઝર્સે પોતાની રીતે આ અકસ્માતની વિવિધ અટકળો રજૂ 
કરી છે.