તમે અન્ડરવૉટર ગરબા-ડાન્સ જોયો?

આ વિડિયોએ માત્ર પ્રશંસા જ મેળવી નથી, એણે આ પ્રતિભાશાળી વ્યક્તિના સુપરહિટ પર્ફોર્મન્સની સિરીઝમાં ઉમેરો કર્યો છે

અન્ડરવૉટર ગરબા-ડાન્સ

દેશભરમાં નવરાત્રિની ધામધૂમથી ઉજવણી થઈ રહી છે. ગુજરાતી ગરબાથી હવામાં આનંદ અને ઉજવણીના વાઇબ્રન્ટ રંગો સમાઈ જાય છે. હવે આ પરંપરાગત ઉત્સવની વચ્ચે એક અનોખું પ્રદર્શન સામે આવ્યું છે, જે દેશના ખૂણે-ખૂણેથી સોશ્યલ મીડિયા યુઝર્સના હૃદય અને કલ્પનાઓને મોહિત કરી રહ્યું છે. પરંપરાગત રીતે નવરાત્રિ નૃત્ય એ ચોક્કસ જમીન પર કરવામાં આવતી ઉજવણી છે. જોકે એક નોંધપાત્ર વિડિયોમાં એક નૃત્યકાર ઊભરી આવ્યો છે, જે પાણીની અંદર ગરબા રમીને આ કળાને સંપૂર્ણ નવા સ્તરે લઈ ગયો છે. આ આકર્ષક વિડિયો-ક્લિપમાં તમે પાણીમાં ડૂબેલા માણસને પરંપરાગત ગરબા રમતો જોઈ શકશો. આ સાચે જ એક સુંદર દૃશ્ય છે, કારણ કે ગરબાની સુંદરતા અને શક્તિ પાણીના મોહક દેખાવ સાથે ભળી જાય છે. એવું લાગે છે કે આ અદ્ભુત પ્રદર્શનમાં કલાકારે આ કલાને રજૂ કરવા ઘણા પ્રયત્ન કર્યા છે. પરિણામે તેનો આ અદ્ભુત ડાન્સ સપાટી પર આવ્યો છે. આ અદ્ભુત અન્ડરવૉટર ગરબા રમનાર ગુજરાતી કલાકાર જયદીપ ગોહિલ છે. તેના ઇન્સ્ટાગ્રામ બાયોમાં તે ગર્વથી ભારતના પ્રથમ અન્ડરવૉટર ડાન્સર તરીકેની ઓળખ દર્શાવે છે. આ વિડિયોએ માત્ર પ્રશંસા જ મેળવી નથી, એણે આ પ્રતિભાશાળી વ્યક્તિના સુપરહિટ પર્ફોર્મન્સની સિરીઝમાં ઉમેરો કર્યો છે. તેના અગાઉના પર્ફોર્મન્સ પણ વિવિધ પ્લૅટફૉર્મ પર વ્યાપકપણે શૅર કરવામાં આવ્યા હતા અને એક સાચા કલાકારને એક 
સંશોધક તરીકેની પ્રતિષ્ઠાને વધુ મજબૂત બનાવી છે.