શૉકિંગ: પેન્ટમાં રાખેલો જુનો મોબાઇલ બ્લાસ્ટ થયો અને યુવાનના અંડકોષ ફાટી ગયા

Madhya Pradesh Phone Blast: મધ્યપ્રદેશના રાજગઢ જિલ્લામાં એક ચોંકાવનારી ઘટના સામે આવી છે, જેમાં એક યુવાનના ખિસ્સામાં રાખેલો મોબાઇલ બ્લાસ્ટ થતા તેને ગંભીર ઇજા પહોંચી હતી. આ ઘટનામાં યુવાનના પ્રાયવેટ પાર્ટને ગંભીર ઈજા થઈ અને તે બાઈક પરથી પડી ગયો હતો.

પ્રતીકાત્મક તસવીર (સૌજન્ય: AI)

મધ્યપ્રદેશના રાજગઢ જિલ્લામાં એક ચોંકાવનારી ઘટના સામે આવી છે, જેમાં એક યુવાનના ખિસ્સામાં રાખેલો મોબાઇલ બ્લાસ્ટ થતા તેને ગંભીર ઈજા પહોંચી હતી. આ ઘટનામાં યુવાનના પ્રાયવેટ પાર્ટને ગંભીર ઈજા થઈ અને તે બાઈક પરથી પડી ગયો, જેના કારણે તેના માથા પર પણ ગંભીર ઈજા થઈ.

પાણીપુરી વેચતા યુવક સાથે દુર્ઘટના
રાજગઢ જિલ્લાના સારંગપુર વિસ્તારના રહેવાસી અરવિંદ (ઉંમર 19 વર્ષ) પોતાનું ગુજરાન ચલાવવા માટે પાણીપુરીનો ઠેલો લગાવે છે. મંગળવારે અરવિંદ શાકભાજી ખરીદી કરવા માટે શાકભાજી માર્કેટ ગયો હતો. શાકભાજી ખરીદી કર્યા પછી તે પોતાની બાઈક લઈને પોતાના ગામ નૈનવાડા પરત ફરી રહ્યો હતો. રસ્તામાં ઉદનખેડી પાસે આવેલ ટોલ નાકા નજીક અચાનક અરવિંદના પેન્ટના ખિસ્સામાં રાખેલો મોબાઇલ બ્લાસ્ટ થયો. બ્લાસ્ટના ઝટકાથી અરવિંદનો બાઈક પરનો સંતુલન બગડ્યો અને તે રસ્તા પર પડી ગયો.

મોબાઇલ બ્લાસ્ટથી અંડકોષ ફાટી ગયા
આ દુર્ઘટનામાં અરવિંદના  પ્રાયવેટ પાર્ટને ગંભીર ઈજા થઈ. તેમાં તેના અંડકોષ ફાટી ગયા હતા અને માથામાં પણ ગંભીર ઈજા થઈ. ત્યાંથી પસાર થતા રાહદારીઓએ તરત જ અરવિંદને એંબ્યુલન્સની મદદથી સારંગપુરના સિવિલ હોસ્પિટલમાં ખસેડ્યો. ત્યાં પ્રાથમિક સારવાર આપી તેને વધુ સારવાર માટે શાજાપુર રિફર કરવામાં આવ્યો.

પરિવારનો ખુલાસો: જૂનો મોબાઇલ ખિસ્સામાં હતો
અરવિંદના ભાઈએ જણાવ્યું કે થોડા સમય પહેલા અરવિંદે એક જૂનો મોબાઇલ ખરીદ્યો હતો. તે મોબાઇલ આખી રાત ચાર્જિંગમાં મૂકીને સવારે પેન્ટના ખિસ્સામાં રાખી શાક માર્કેટ ગયો હતો. પરત ફરી રહેલા સમયે આ દુર્ઘટના બની હતી.

ડોક્ટરનું અને પોલીસનું નિવેદન
આરોગ્ય સેવાઓ આપી રહેલા ડૉ. નયન નાગરે જણાવ્યું કે, "અરવિંદના અંડકોષ ફાટી ગયા છે, પણ હાલ તેની સ્થિતિ સ્થિર છે. તેને વધુ સારવાર માટે રિફર કરવામાં આવ્યો છે." સારંગપુર પોલીસ સ્ટેશન ઇન્ચાર્જ શકુંતલા બામનિયાએ જણાવ્યું કે આ ઘટનાની કોઈ લેખિત ફરિયાદ મળી નથી. જો કોઈ ફરિયાદ મળે તો કાયદા મુજબ કાર્યવાહી કરવામાં આવશે.

જુના અને રિપેર કરાયેલા મોબાઇલથી સાવચેતી જરૂરી
સારંગપુરમાં ‘મીરા મોબાઇલ’ નામની દુકાન ચલાવતા ભાગવનસિંહ રાજપૂતે જણાવ્યું કે જૂના મોબાઇલમાં મોટાભાગે ચાઇનીઝ બેટરી વાપરવામાં આવે છે, જે વધારે ટકાઉ નહીં હોવાને કારણે વધુ સમય ચાર્જિંગમાં મુકાય તો તે ગરમ થઈ બ્લાસ્ટ થવાનું જોખમ રહે છે. તેણે જણાવ્યું કે લોકોએ જૂના અથવા રિપેર કરાયેલા મોબાઇલ ખરીદવાથી બચવું જોઈએ અને ચાઇનીઝ બેટરીના ઉપયોગ સમયે વધુ સાવધાની રાખવી જોઈએ.

નિષ્ણાતોની સલાહ
નિષ્ણાતોના જણાવ્યા અનુસાર, જૂના મોબાઇલ કે ડુપ્લિકેટ બેટરીનો ઉપયોગ ખતરનાક સાબિત થઈ શકે છે. ફોનને લાંબા સમય સુધી ચાર્જિંગમાં મૂકવું જોખમી બની શકે છે. હાલમાં અરવિંદની તબિયત સ્થિર છે, પણ આ ઘટના બાદ સ્થાનિક લોકોમાં ભયનો માહોલ છવાઈ ગયો છે.