ખેતરમાં રાખેલા સીસીટીવી કૅમેરામાં સૂક્ષ્મ ગ્રહોનો વિસ્ફોટ ઝડપાઈ ગયો

ઍસ્ટેરૉઇડ પૃથ્વીના વાતાવરણમાં પ્રવેશ્યો અને ઇંગ્લિશ ચૅનલ નજીક એમાં વિસ્ફોટ થયો હતો.

ખેતરમાં રાખેલા સીસીટીવી કૅમેરામાં સૂક્ષ્મ ગ્રહોનો વિસ્ફોટ ઝડપાઈ ગયો

સૂર્યની ફરતે અનેક નાના-મોટા ગ્રહો ફરતા હોય છે. આવા સૂક્ષ્મ ગ્રહો ઍસ્ટેરૉઇડ તરીકે ઓળખાય છે. આવો જ એક ઍસ્ટેરૉઇડ પૃથ્વીના વાતાવરણમાં પ્રવેશ્યો અને ઇંગ્લિશ ચૅનલ નજીક એમાં વિસ્ફોટ થયો હતો. આ ક્ષણ ૩૫ વર્ષની મહિલા ખેડૂત એમ. ગ્રોવરના સીસીટીવી કૅમેરામાં ઝડપાઈ હતી. ગ્રોવર સવારે ઊઠી ત્યારે તેણે એક ઍસ્ટેરૉઇડ પૃથ્વીના વાતાવરણમાં પડ્યો હોવાના સમાચાર સાંભળ્યા હતા. એ પછી આ ઍસ્ટેરૉઇડ લંડનની બહાર જોવા મળ્યો હતો એવી ખબર પડતાં તેણે તેના ખેતરમાં મૂકેલા સીસીટીવી કૅમેરાનું રેકૉર્ડિંગ તપાસ્યું, જેમાં તેને એ દૃશ્ય જોવા મળ્યું હતું. આ ઍસ્ટેરૉઇડને એસએઓ૨૬૬૭ નામ આપવામાં આવ્યું હતું.