16 September, 2023 10:22 AM IST | Mumbai | Gujarati Mid-day Correspondent
હૉલીવુડની ફેમસ બૅટમૅન કાર મોનેકોના રસ્તા પર દેખાઈ
યુરોપમાં મોનેકોના રસ્તા પર રિયલ લાઇફ બૅટમૅન કારનો વિડિયો વાઇરલ થયો છે. બૅટમૅન કાર પોતાના ચાહકોનું ચોક્કસ વર્તુળ ધરાવે છે. મોનેકો વિશ્વનાં ત્રણ શહેરમાનું એક છે, જ્યાં બૅટમોબાઇલ (બૅટમૅનનું વેહિકલ) ત્યાંની જ હોય એમ લાગે છે. અન્ય બે શહેરોમાં માયામી અને દુબઈ આવે છે. આ યુરોપિયન કન્ટ્રી જાણે ઓપન ઍર કાર શો માટે જ હોય એમ કલાકો સુધી સુપરકારના ફોટો અને વિડિયો લઈ શકાય છે. ફૉર્મ્યુલા વન ગ્રાં પ્રિનો ભાગ રહેલા ફેમસ ફેરમોન્ટ હેરમીન પાસે આ બૅટમોબાઇલના ફોટો અને વિડિયો લેવામાં આવ્યા હતા. ત્યાર બાદ આ જગ્યાને ફેરમોન્ટ હોટેલ નામ આપવામાં આવ્યું, કારણ કે મોનેકોમાં બાલ્કનીમાંથી રેસ પણ જોઈ શકાય છે. આ બૅટમોબાઇલ ૧૯૮૯ બૅટમૅન મૂવીના પ્રમોશન હેતુ પ્રોપ તરીકે યુઝ કરવામાં આવી છે. આવી કેટલીક કાર મૂવી માટે બનાવવામાં આવી છે, જેમાં કેટલીક વી૧૨ તો કેટલીક ટર્બાઇન એન્જિન ધરાવે છે.