વિશ્વનો પ્રથમ કિસ્સો, ઑટોઇમ્યુન સિસ્ટમથી યુવતી સાજી થઈ ગઈ

આ યુવતીના શરીરમાંથી કાઢી નખાયેલી કોશિકાઓથી જ તેની સારવાર કરવામાં આવી રહી છે એટલે આ યુવતી ઑટોઇમ્યુન બીમારીથી પીડિત વિશ્વની પહેલી વ્યક્તિ બની છે.

પ્રતીકાત્મક તસવીર સૌજન્ય મિડજર્ની

વિજ્ઞાન અને તબીબી વિજ્ઞાન રોજ નવી ઊંચાઈ સર કરી રહ્યાં છે. ચીનના તિયાનજિનની પચીસ વર્ષની યુવતીને ટાઇપ-1 ડાયાબિટીઝ હતો. તેણે સ્ટેમ સેલ થેરપી શરૂ કર્યાના ત્રણ મહિનાથી પણ ઓછા સમયમાં બીમારી મટાડી છે. આ થેરપીથી તેના શરીરમાં ઇન્સ્યુલિન બનવાનું શરૂ થઈ ગયું છે. આ યુવતીના શરીરમાંથી કાઢી નખાયેલી કોશિકાઓથી જ તેની સારવાર કરવામાં આવી રહી છે એટલે આ યુવતી ઑટોઇમ્યુન બીમારીથી પીડિત વિશ્વની પહેલી વ્યક્તિ બની છે. જૂન ૨૦૨૩માં આ યુવતીનું ઑપરેશન થયું હતું. તેના પેટની માંસપેશીઓમાં ૧.૫ મિલ્યન આઇલેટ્સ જેટલું ઇન્જેક્શન માર્યું. સામાન્ય રીતે યકૃતમાં આઇલેટ્સ ઇન્જેક્ટ કરાતાં હોય છે, પણ પહેલી વાર યુવતીના પેટમાં ઇન્જેક્ટ કરાયાં હતાં. આ સર્જરી માત્ર અડધા કલાકની જ હતી. કૅનેડાના એડમોન્ટનમાં અલબર્ટ યુનિવર્સિટીના પ્રત્યારોપણ સર્જ્યન અને સંશોધક ડૉ. જેમ્સ શાપિરોએ કહ્યું કે દરદીને પહેલાં ઇન્શ્યુલિનની જરૂર પડતી હતી, પણ ઑપરેશન પછી સ્થિતિ બદલાઈ ગઈ છે.