06 September, 2024 03:29 PM IST | Brunei | Gujarati Mid-day Correspondent
બ્રુનેઇના રૉયલ સુલતાનનો વાળ કપાવવાનો ખર્ચ ૧૬ લાખ રૂપિયા
વડા પ્રધાન નરેન્દ્ર મોદીની મુલાકાત પછી બ્રુનેઇ સમાચારમાં છે અને ચર્ચામાં છે ત્યાંના સુલતાન હાજી હસનલ બોલ્કિયા, કારણ કે સુલતાન વાળ કપાવવા પાછળ પણ ૨૦,૦૦૦ ડૉલર એટલે કે ૧૬ લાખ રૂપિયા ખર્ચી નાખે છે. વાળ કપાવવા માટે તેમના પસંદગીના વાળંદને ખાસ લંડનથી બ્રુનેઇ બોલાવે છે. બ્રિટિશ રૉયલ પરિવારના વારસદારો પ્રિન્સ વિલિયમ અને હૅરીએ જ્યાંથી મિલિટરીની તાલીમ લીધી છે એ સૅન્ડહર્સ્ટની રૉયલ મિલિટરી ઍકૅડેમીમાંથી સુલતાને પણ ગ્રૅજ્યુએશન કર્યું છે. સુલતાન પાસે ૭૦૦૦થી વધુ કારનો કાફલો છે, એમાં પણ ૬૦૦ રોલ્સ રૉયસ, ૪૫૦ ફેરારી અને ૩૮૦ બેન્ટ્લી કાર છે. બોલ્કિયાની કુલ સંપત્તિ ૩૦ બિલ્યન ડૉલર જેટલી છે. બે લાખ વર્ગ મીટરમાં પથરાયેલા મહેલમાં ૧૭૦૦ રૂમ, ૨૫૭ બાથરૂમ અને પાંચ સ્વિમિંગ-પૂલ છે.