02 February, 2023 11:25 AM IST | Mumbai | Gujarati Mid-day Correspondent
વેઇટર ઢોસાની ૧૬ પ્લેટને પોતાના હાથ પર એકસાથે લઈ જતો જોવા મળ્યો હતો.
આનંદ મહિન્દ્રએ મંગળવારે ટ્વિટર પર એક વેઇટરનો વિડિયો શૅર કર્યો હતો, જેનું ખાસ કારણ એ હતું કે આ વેઇટર ઢોસાની ૧૬ પ્લેટને પોતાના હાથ પર એકસાથે લઈ જતો જોવા મળ્યો હતો. તેની આ સ્કિલથી આનંદ મહિન્દ્ર ઇમ્પ્રેસ થયા છે. આ વાઇરલ વિડિયોમાં એક કુક અને એક વેઇટર જોવા મળ્યા હતા. આ વેઇટર કુકને એક પછી એક પ્લેટ આપે છે અને કુક એમાં ઢોસા મૂકીને પ્લેટ પાછી વેઇટરને આપે છે. આ વેઇટર પોતાના હાથ પર એક પછી એક પ્લેટ ગોઠવે છે અને એ પછી તમામ પ્લેટને એકસાથે લઈ જાય છે.