ન્યુ જર્સીના ગુજરાતી બિઝનેસમૅનના ઘરની બહાર રાખવામાં આવેલું અમિતાભ બચ્ચનનું સ્ટૅચ્યુ ગૂગલ-મૅપ પર બન્યું...

બિઝનેસમૅન ગોપી શેઠે ૨૦૨૨ના ઑગસ્ટમાં તેમના ઘરની બહાર અમિતાભ બચ્ચનનું લાઇફસાઇઝ સ્ટૅચ્યુ બનાવડાવ્યું હતું.

ન્યુ જર્સીના ગુજરાતી બિઝનેસમૅનના ઘરની બહાર રાખવામાં આવેલું અમિતાભ બચ્ચનનું સ્ટૅચ્યુ

ન્યુ જર્સીમાં રહેતા ઇન્ડિયન-અમેરિકન બિઝનેસમૅનના ઘરની બહાર મુકાયેલું અમિતાભ બચ્ચનનું સ્ટૅચ્યુ ટૂરિસ્ટ્સમાં પૉપ્યુલર ઍટ્રૅક્શન બન્યું છે. બિઝનેસમૅન ગોપી શેઠે ૨૦૨૨ના ઑગસ્ટમાં તેમના ઘરની બહાર અમિતાભ બચ્ચનનું લાઇફસાઇઝ સ્ટૅચ્યુ બનાવડાવ્યું હતું. ન્યુ યૉર્કના મૅનહટનથી ૩૫ કિલોમીટરના અંતરે આવેલા એડિસન સિટીમાં ગોપી શેઠનું ઘર છે. આ ઘરની મુલાકાત દરરોજ ઘણા ટૂરિસ્ટ્સ લે છે. આ મુલાકાતીઓની સંખ્યા સતત વધી રહી હોવાથી હવે ગૂગલ-મૅપ પર એને ટૂરિસ્ટ-ઍટ્રૅક્શન તરીકે જાહેર કરવામાં આવ્યું છે. અહીં મુલાકાતે આવતા લોકો બિગ બી માટે લેટર્સ અને ગ્રીટિંગ કાર્ડ્સ મૂકીને જાય છે. ગોપી શેઠનું માનવું છે કે અમિતાભ બચ્ચનને કારણે મારા ઘરને એક નવી ઓળખ મળી છે.