માત્ર ૯ વર્ષે ગ્રૅજ્યુએટ થયેલા આ વિદ્યાર્થીને બનવું છે ખગોળશાસ્ત્રી

ડેવિડ બાલોગુન મેન્સાનો સભ્ય છે અને તે હંમેશાં વિજ્ઞાન અને કમ્પ્યુટર પ્રોગ્રામિંગમાં રસરુચિ ધરાવતો હતો

૯ વર્ષની વયે ગ્રૅજ્યુએટ થયેલો ડેવિડ બાલાગુન

માત્ર ૯ વર્ષની વયે ગ્રૅજ્યુએટ થયેલો ડેવિડ બાલાગુન નામનો બાળક ખગોળશાસ્ત્રી બનીને બ્લૅકહોલ અને સુપરનોવા પર અભ્યાસ કરવા માગે છે. અમુક ઑનલાઇન કોર્સને કારણે એ શક્ય બન્યું છે. ડેવિડ બાલોગુન મેન્સાનો સભ્ય છે અને તે હંમેશાં વિજ્ઞાન અને કમ્પ્યુટર પ્રોગ્રામિંગમાં રસરુચિ ધરાવતો હતો. તેના આ જુસ્સાએ તેને વિશ્વના સૌથી નાની વયના હાઈ સ્કૂલ ગ્રૅજ્યુએટ બનવામાં મદદ કરી હતી. હવે ડેવિડ બાલોગુને કમ્યુનિટી કૉલેજમાં ઍડ્મિશન લઈ એની કૉલેજની ડિગ્રી માટે પહેલેથી જ ક્રેડિટ એકઠી કરવાનું શરૂ કરી દીધું છે.

આ પણ વાંચો : છ વર્ષના બાળકે પિતાના ફોનથી ૮૨,૨૩૩ રૂપિયાનું ફૂડ ઑર્ડર કર્યું

રિચ સાઇબર ચાર્ટર સ્કૂલમાં ત્રીજા ધોરણમાં સત્તાવાર રીતે સૌથી નાની વયે ગ્રૅજ્યુએટ થયેલો ડેવિડ જણાવે છે કે ખગોળશાત્રી બનવાની ઇચ્છા સાથે જ ક્ષમતા હોવાથી મમ્મી-પપ્પા અને શિક્ષકોની મદદથી હું મારું ધ્યેય હાંસલ કરી શક્યો છું.