એક કલાકમાં ૨૩ બંજી જમ્પ કરીને રેકૉર્ડ તોડ્યો

લિન્ડાએ સાઉથ આફ્રિકાના સૌથી ઊંચા બ્રિજ બ્લૌક્રન્સ બ્રિજ પરથી આ સાહસ કર્યું હતું

૫૦ વર્ષના લિન્ડા પોટગીટર

૧૯૮૦ના દસકાથી અત્યાર સુધી દુનિયાભરમાં લગભગ ૧૦ લાખ બંજી જમ્પ થયા હોવાનું રેકૉર્ડ પર છે. જોકે એક જ કલાકમાં સાઉથ આફ્રિકાના ૫૦ વર્ષના લિન્ડા પોટગીટરે આ નંબરમાં વધુ ૨૩નો ઉમેરો કર્યો છે. એ સાથે જ તેમણે એક કલાકમાં આઉટડોરમાં સૌથી વધુ બન્જી જમ્પનો રેકૉર્ડ તોડ્યો છે. લિન્ડાએ સાઉથ આફ્રિકાના સૌથી ઊંચા બ્રિજ બ્લૌક્રન્સ બ્રિજ પરથી આ સાહસ કર્યું હતું. જે શારીરિક અને માનસિક બન્ને રીતે પડકારજનક હતું એટલે એ આશ્ચર્યની વાત નથી કે આ પહેલાંનો ૧૯ બંજી જમ્પનો રેકૉર્ડ ૧૯ વર્ષ સુધી તૂટ્યો નહોતો. એ રેકૉર્ડ પણ અન્ય સાઉથ આફ્રિકન વેરોનિકા ડીન દ્વારા એ જ લોકેશન પર રચાયો હતો. લિન્ડા કહે છે કે બંજી જમ્પિંગથી મારો કૉન્ફિડન્સ વધે છે અને એ રીતે હું ભય પર જીત મેળવું છું.