ત્રણ વર્ષનો ટાબરિયો ફરારી કાર બેસ્ટ રીતે પાર્ક કરે છે

ઝેન સોફુઓગ્લુ તેના પિતાની ૩.૮૦ લાખ પાઉન્ડ (લગભગ ૩.૭૮ કરોડ રૂપિયા)ની ફરારી કારને એક પણ ખરોચ પાડ્યા વગર સહેલાઈથી પાર્ક કરે છે

ઝેન સોફુઓગ્લુ

ટર્કિશ મોટરસાઇકલ રેસર કેનાન સોફુઓગ્લુનો ત્રણ વર્ષનો દીકરો જે ફરારી કારના સ્ટિયરિંગ વ્હીલની ઉપર જોઈ પણ શકતો નથી અને મહામહેનતે પોતાના પગ કારના પેડલ પર ટકાવી રાખી શકે છે તે ઝેન સોફુઓગ્લુ તેના પિતાની ૩.૮૦ લાખ પાઉન્ડ (લગભગ ૩.૭૮ કરોડ રૂપિયા)ની ફરારી કારને એક પણ ખરોચ પાડ્યા વગર સહેલાઈથી પાર્ક કરે છે.  

ટર્કિશ મોટરસાઇકલ રેસર કેનાન સોફુઓગ્લુના સૌથી નાના પુત્રએ તેના જીવનનો મોટા ભાગનો સમય હાઈ-પર્ફોર્મન્સ મોટરસાઇકલ અને કાર વચ્ચે જ વિતાવ્યો છે.

ઝેન બે વર્ષનો પણ નહોતો ત્યારથી પાંચ સુપરશૉટ વર્લ્ડ ચૅમ્પિયન ટાઇટલના વિજેતા તેના પિતાએ સોશ્યલ મીડિયા પર તેમના ઘરના ડ્રાઇવવે પર ઝેનનો મોટરસાઇકલ ચલાવતો વિડિયો પોસ્ટ કર્યો હતો. ઝેન વિન્ડસ્ક્રીન દ્વારા જોવામાં અસમર્થ હોવા છતાં હવે કુશળતાપૂર્વક વિવિધ સુપરકાર પાર્ક કરી શકે છે. તેના ડ્રાઇવિંગ કૌશલને કારણે ઝેનના ઇન્સ્ટાગ્રામ અકાઉન્ટ પર ૧૦ લાખ જેટલા ફૉલોઅર્સ છે.