04 April, 2024 10:44 AM IST | Mumbai | Gujarati Mid-day Online Correspondent
રેલીમાં રાહુલ ગાંધી
કૉંગ્રેસ નેતા રાહુલ ગાંધી (Rahul Gandhi’s Wealth)એ બુધવારે કેરળની વાયનાડ બેઠક પરથી લોકસભા ચૂંટણી 2024 માટે ઉમેદવારી નોંધાવી હતી. રાહુલ ગાંધીએ તેમના નામાંકન દરમિયાન આપેલા ચૂંટણી એફિડેવિટ મુજબ હાલમાં તેમની પાસે 55,000 રૂપિયા રોકડા છે. નાણાકીય વર્ષ 2022-23 દરમિયાન રાહુલ ગાંધીની કુલ આવક 1,02,78,680 રૂપિયા હતી.
શેરબજારમાં મોટું રોકાણ
રાહુલ ગાંધીએ પોતાના એફિડેવિટ (Rahul Gandhi’s Wealth)માં જણાવ્યું છે કે તેમના નામે બેન્કમાં 26.25 લાખ રૂપિયા જમા છે. શેરબજારમાં તેમનું કુલ રોકાણ 4.33 કરોડ રૂપિયા છે. રાહુલ ગાંધીનું પણ મ્યુચ્યુઅલ ફંડમાં 3.81 કરોડ રૂપિયાનું રોકાણ છે. જ્યારે સોવરિન ગોલ્ડ બોન્ડમાં રોકાણ 15.2 લાખ રૂપિયા છે. કૉંગ્રેસ નેતા પાસે 4.2 લાખ રૂપિયાની જ્વેલરી પણ છે.
આ સિવાય રાહુલ ગાંધી (Rahul Gandhi’s Wealth)ના નામે NSS, પોસ્ટલ સેવિંગ અને ઈન્સ્યોરન્સ પૉલિસીમાં લગભગ 61.52 લાખ રૂપિયા જમા છે. રાહુલ ગાંધી પાસે 9,24,59,264 રૂપિયાની કુલ જંગમ સંપત્તિ છે. તેમની પાસે કુલ સ્થાવર મિલકત આશરે રૂા. 11,14,02,598 છે. આ રીતે તેમની કુલ સંપત્તિ 20,38,61,862 રૂપિયા છે. જો કે, રાહુલ ગાંધી પર પણ લગભગ 49,79,184 રૂપિયાની જવાબદારી છે. તમને જણાવી દઈએ કે, રાહુલ ગાંધીએ 2004માં પહેલી ચૂંટણી લડી હતી, જ્યારે તેમની કુલ સંપત્તિ 55 લાખ રૂપિયા હતી.
વર્ષ 2019માં આટલી હતી સંપત્તિ
તે જ સમયે, વર્ષ 2019માં લોકસભા ચૂંટણી દરમિયાન રાહુલ ગાંધીએ તેમના એફિડેવિટમાં કહ્યું હતું કે, તેમની કુલ સંપત્તિ લગભગ 15 કરોડ રૂપિયા છે, તે સમયે તેમની પાસે 72 લાખ રૂપિયાની લોન પણ હતી. છેલ્લા 5 વર્ષમાં રાહુલ ગાંધીની સંપત્તિમાં લગભગ 5 કરોડ રૂપિયાનો વધારો થયો છે.
નોંધનીય છે કે તેઓ બીજી વખત વાયનાડ બેઠક પરથી ચૂંટણી લડી રહ્યા છે. 2019માં તેણે અહીં મોટા માર્જિનથી જીત મેળવી હતી. નોમિનેશન પહેલા તેમણે વાયનાડમાં રોડ શૉ કર્યો હતો. આ દરમિયાન તેમની સાથે તેમની બહેન પ્રિયંકા ગાંધી પણ જોવા મળી હતી. રાહુલ ગાંધીએ વિસ્તારના લોકોને કહ્યું કે, તમને અમારા સાંસદ તરીકે મળ્યા એ અમારા માટે સૌભાગ્યની વાત છે. વાયનાડ સીટ પર રાહુલ સામે I.N.D.I.A. સીપીઆઈના એની રાજા ચૂંટણી લડી રહ્યા છે.
રોડ-શો કરીને રાહુલ ગાંધીએ વાયનાડથી ચૂંટણીનું ફૉર્મ ભર્યું
કૉન્ગ્રેસના નેતા રાહુલ ગાંધીએ બુધવારે કેરલાની વાયનાડ બેઠક પરથી લોકસભા ચૂંટણી માટે ફૉર્મ ભર્યું હતું. ઉમેદવારી નોંધાવતાં પહેલાં તેમણે રોડ-શો કર્યો હતો, જેમાં મોટી સંખ્યામાં ટેકેદારો ઊમટ્યા હતા. આ રોડ-શોમાં પ્રિયંકા ગાંધી વાડ્રા પણ હતાં. તેમણે વાયનાડને પોતાનું ઘર અને અહીંના લોકોને પોતાનો પરિવાર ગણાવ્યો હતો. રાહુલ ૨૦૧૯માં ૪ લાખથી વધુની સરસાઈ સાથે વાયનાડથી જીત્યા હતા. આ વખતે રાહુલની સામે કેરલાના ભારતીય જનતા પાર્ટી (BJP)ના પ્રમુખ કે. સુરેન્દ્રન અને CPI (કમ્યુનિસ્ટ પાર્ટી ઑફ ઇન્ડિયા)ના એની રાજાએ ઉમેદવારી નોંધાવી છે. કેરલામાં ૨૬ એપ્રિલે મતદાન થશે.