05 June, 2024 11:43 AM IST | Mumbai | Gujarati Mid-day Correspondent
યુસુફ પઠાણ
ટીમ ઇન્ડિયાના ભૂતપૂર્વ ક્રિકેટર યુસુફ પઠાણે પશ્ચિમ બંગાળની બહરામપુર સીટ પરથી તૃણમૂલ કૉન્ગ્રેસ હેઠળ ઝુકાવીને જીત મેળવી છે. વળી એ જીત જેવીતેવી નથી. તેમણે છેક ૧૯૯૯થી એ બેઠક પર જીતતા આવેલા કૉન્ગ્રેસના અધીર રંજન ચૌધરીને ૭૫,૦૦૦થી વધુ મતથી હરાવ્યા હતા. યુસુફ પઠાણે કહ્યું હતું કે ‘આ કાર્યકર્તાઓની જીત છે. હું સૌથી પહેલાં એક સ્પોર્ટ્સ ઍકૅડેમી બનાવીશ, જેથી યુવાનો એમાં કારકિર્દી બનાવી શકે. હું ઉદ્યોગો માટે પણ કામ કરીશ. હું અહીં રહીશ અને લોકો માટે કામ કરીશ. ગુજરાતમાં પણ રહીશ, કારણ કે મારો પરિવાર ત્યાં છે. બહરામપુરમાં મને નવો પરિવાર મળ્યો છે.’