29 February, 2024 09:59 AM IST | Kolkata | Gujarati Mid-day Correspondent
શાહજહાં શેખ
કલકત્તા : સંદેશખાલીમાં મહિલાઓ ઉપર જાતીય અત્યાચાર અને જમીન હડપ કરવાના કેસમાં મુખ્ય આરોપી શાહજહાં શેખની સીબીઆઇ, એન્ફોર્સમેન્ટ ડિરેકટરેટ (ઈડી) અથવા પશ્ચિમ બંગાળની પોલીસ ધરપકડ કરી શકે એવો આદેશ કલકત્તા હાઈ કોર્ટે બુધવારે આપ્યો હતો. રાજ્યના ઍડ્વોકેટ જનરલની પ્રેયર ઉપર કોર્ટે ૨૬મી ફેબ્રુઆરીએ પોતાના આદેશમાં સ્પષ્ટતા કરી હતી. આ પહેલાં શેખની ધરપકડ કરવાનો આદેશ કોર્ટે પોલીસ સત્તાધીશોને આપ્યો હતો. ડિવિઝને બૅન્ચે પોતાના આદેશમાં જણાવ્યું હતું કે નાસતા ફરી રહેલા શેખની ધરપકડ સીબીઆઇ અથવા તો ઈડી પણ કરી શકે. સંદેશખલીમાં પાંચમી જાન્યુઆરીએ ઈડીના અધિકારીઓ રાજ્યમાં કહેવાતા રૅશન-વિતરણ કૌભાંડ બાબતે તપાસ કરવા શેખના ઘરે ગયા હતા ત્યારે ૧,૦૦૦ લોકોના ટોળાએ તેમના ઉપર હુમલો કર્યો હતો.