ગુડગાંવમાં હવાની ક્વૉલિટી અત્યંત ખરાબ છે છતાં લગ્નની બારાતમાં ઘણા ફટાકડા ફૂટ્યા

કેટલાકે કહ્યું હતું કે ઍર ક્વૉલિટી ઇન્ડેક્સ 999 છે અને આ લોકો એ 1000 થાય એની ઉજવણી કરી રહ્યા

વાયરલ વીડિયોમાંથી સ્ક્રીન શૉટ

દિલ્હી અને ગુડગાંવમાં હવાનું પ્રદૂષણ એકદમ ખરાબ સ્તર પર પહોંચી ગયું છે અને લોકોને શ્વાસ લેવામાં તકલીફ પડી રહી છે તેમ છતાં ઘણા લોકો સુધરતા નહીં હોવાનો એક વિડિયો સોશ્યલ મીડિયામાં વાઇરલ થયો છે. ગુડગાંવમાં સોમવારે સાંજે એક લગ્નની બારાતમાં બારાતીઓએ બેરોકટોક ફટાકડા ફોડ્યા હતા અને જોરજોરથી મ્યુઝિક વગાડ્યું હતું. આ વિડિયો સોશ્યલ મીડિયામાં વાઇરલ થતાં લોકોએ એની આકરી ટીકા કરી છે. કેટલાકે કહ્યું હતું કે ઍર ક્વૉલિટી ઇન્ડેક્સ 999 છે અને આ લોકો એ 1000 થાય એની ઉજવણી કરી રહ્યા છે, આવી સિદ્ધિ દુનિયાના બીજો કોઈ શહેરે મેળવી નથી.