બદલાપુરની ઘટનાના સંદર્ભમાં નાયબ મુખ્ય પ્રધાન અજિત પવારે આપ્યો આકરો ઉકેલ

અજીત પવાર

બદલાપુરની સ્કૂલમાં બે માસૂમ બાળકીઓના વિનયભંગની ઘટના વિશે વિરોધીઓ સરકારને નિશાના પર લઈ રહી છે ત્યારે મહારાષ્ટ્રના નાયબ મુખ્ય પ્રધાન અજિત પવારે ગઈ કાલે યવતમાળમાં લાડકી બહિણ યોજનાના કાર્યક્રમમાં કહ્યું હતું કે ‘વિકૃત માણસોનો કાયમી બંદોબસ્ત કરવા સિવાય બેસીશું નહીં. મહિલાઓ સાથે ખરાબ વર્તન કરનારાઓને છોડવામાં નહીં આવે. મહિલાઓને નિશાન બનાવનારાઓ સામે કડક હાથે કામ લેવા માટેનો કાયદો લાવીશું. રાષ્ટ્રપતિ મંજૂરી આપે ત્યાર બાદ તરત જ આ કાયદાને અમલમાં લાવવામાં આવશે. આ કાયદામાં આરોપીને ફાંસીની સજા કરવાની જોગવાઈ હશે. કુમળી બાળકી, યુવતી કે મહિલા પર ખરાબ નજર કરનારાઓનું ગુપ્તાંગ કાપી નાખવું જોઈએ. કેટલાક લોકો એટલા નાલાયક હોય છે કે તેમને આવી કઠોર સજા થવી જ જોઈએ.’