બીજેપી ટિકિટ આપશે તો સુપ્રિયા સુળે સામે લડીશ : તૃપ્તિ દેસાઈ

૨૦૧૧માં પ્રખર સમાજસેવક અણ્ણા હઝારે સાથે ભ્રષ્ટાચારના વિરોધના આંદોલનમાં તૃપ્તિ દેસાઈ સામેલ થયાં હતાં

સુપ્રિયા સુળે

ભૂમાતા બ્રિગેડનાં અધ્યક્ષા તૃપ્તિ દેસાઈએ બારામતી લોકસભા મતદારસંઘમાંથી એનસીપીનાં સાંસદ સુપ્રિયા સુળે સામે ચૂંટણી લડવાની ઇચ્છા વ્યક્ત કરી છે. બીજેપી જો ટિકિટ આપશે તો ૧૦૦ ટકા આ બેઠક પરથી લડવા માગું છું એમ તૃપ્તિ દેસાઈએ ગઈ કાલે કહ્યું હતું. ૨૦૧૧માં પ્રખર સમાજસેવક અણ્ણા હઝારે સાથે ભ્રષ્ટાચારના વિરોધના આંદોલનમાં તૃપ્તિ દેસાઈ સામેલ થયાં હતાં. શિંગણાપુરમાં શનિ મંદિરમાં સ્ત્રીઓને પૂજા કરવાનો અધિકાર આપવાની માગણી સહિતનાં અનેક આંદોલનો અત્યાર સુધીમાં તેમણે કર્યાં છે. આ બધા વચ્ચે તેમને આમ આદમી પાર્ટીના નેતાઓએ  સુપ્રિયા સુળે સામે લોકસભાની ચૂંટણીમાં ટિકિટ આપવાની ઑફર કરી છે.