19 May, 2024 02:06 PM IST | Mumbai | Gujarati Mid-day Correspondent
પ્રતીકાત્મક ફાઇલ તસવીર
મુંબઈ સાઉથ
અરવિંદ સાવંત, ૭૨ વર્ષ, શિવસેના (UBT)
શિવસેનાના વરિષ્ઠ નેતા બે ટર્મથી આ બેઠક પર સંસદસભ્ય છે. શિવસેનામાં ભાગલા પડ્યા બાદ તેઓ ઉદ્ધવ ઠાકરે જૂથ સાથે રહેતાં ત્રીજી ટર્મ માટે ઉમેદવારી આપવામાં આવી. BJP સાથેની યુતિ હતી ત્યારે હેવી ઇન્ડસ્ટ્રીઝના કેન્દ્રીય પ્રધાન હતા. યુનિયનના નેતા હોવાથી તેઓ સંસદમાં સરકારનો સામનો કરવાની ક્ષમતા ધરાવે છે.
યામિની જાધવ, ૫૬ વર્ષ, શિવસેના
શિવસેનાનાં ભાયખલાનાં વિધાનસભ્ય, જેઓ બૃહન્મુંબઈ મ્યુનિસિપલ કૉર્પોરેશનનાં ભૂતપૂર્વ નગરસેવિકા છે. તેમના પતિ યશવંત જાધવ પણ ભૂતપૂર્વ નગરસેવક છે જેઓ સ્ટૅન્ડિંગ કમિટીના ચૅરમૅન હતા. મરાઠી અને મુસ્લિમ મતદારોને ધ્યાનમાં રાખીને ઉમેદવારી આપવામાં આવી.
કુલ ઉમેદવાર ૮
આ બેઠક પર AIM પૉલિટિકલ પાર્ટી, લોકશાહી એકતા પાર્ટી, બહુજન સમાજ પાર્ટી, રાષ્ટ્રીય કિસાન બહુજન પાર્ટી અને વંચિત બહુજન આઘાડી
જેવા નાના પક્ષો ઉપરાંત અપક્ષ મળીને આટલા ઉમેદવારો છે.
કુલ મતદાર : ૧૫,૩૬,૧૬૮
પુરુષ મતદાર : ૮,૩૨,૫૬૦
મહિલા મતદાર : ૭,૦૩,૫૬૫
તૃતીયપંથી મતદાર : ૪૩
૨૦૧૯ની લોકસભા ચૂંટણીનું રિઝલ્ટ
વિજેતા ઃ અરવિંદ સાવંત, શિવસેના,
૪,૨૧,૯૩૭ મત
રનર-અપ ઃ મિલિંદ દેવરા, કૉન્ગ્રેસ,
૩,૨૧,૮૭૦ મત
મતદાન ઃ ૫૧.૬ ટકા
ભૂતકાળના વિજેતા
વર્ષ વિજેતા પક્ષ
૨૦૦૪ મિલિંદ દેવરા કૉન્ગ્રેસ
૨૦૦૯ મિલિંદ દેવરા કૉન્ગ્રેસ
૨૦૧૪ અરવિંદ સાવંત શિવસેના
વિધાનસભાની બેઠકો
કોલાબા ઃ રાહુલ નાર્વેકર, BJP
મલબાર હિલ ઃ મંગલ પ્રભાત લોઢા, BJP
ભાયખલા ઃ યામિની જાધવ, શિવસેના
મુંબાદેવી ઃ અમીન પટેલ, કૉન્ગ્રેસ
શિવડી ઃ અજય ચૌધરી, શિવસેના (UBT)
વરલી ઃ આદિત્ય ઠાકરે, શિવસેના (UBT)
મુંબઈ સાઉથ સેન્ટ્રલ
રાહુલ શેવાળે, ૫૧ વર્ષ, શિવસેના
બે ટર્મથી આ બેઠકના સંસદસભ્ય રાહુલ શેવાળેએ જૂન ૨૦૨૨માં શિવસેનાના ભાગલા થયા ત્યારે એકનાથ શિંદેની શિવસેનામાં જોડાવાનો નિર્ણય લીધો હતો. મજબૂત ઉમેદવાર હોવાથી ફરી ટિકિટ આપવામાં આવી. ૨૯ વર્ષની ઉંમરે બૃહન્મુંબઈ મ્યુનિસિપલ કૉર્પોરેશનમાં પહેલી વખત નગરસેવક તરીકે ચૂંટાયા બાદ સ્ટૅન્ડિંગ કમિટીના ચૅરમૅન બન્યા. BJP સાથેની શિવસેનાની યુતિમાં ૨૦૧૪ અને ૨૦૧૯માં લોકસભાની બેઠક પર વિજય મેળવ્યો હતો.
અનિલ દેસાઈ, ૬૬ વર્ષ, શિવસેના (UBT)
ઉદ્ધવ ઠાકરેના અત્યંત નજીકના આ નેતા બે ટર્મથી રાજ્યસભાના સંસદસભ્ય છે. શિવસેનામાં ભાગલા થયા બાદ તેઓ ઉદ્ધવ ઠાકરે સાથે જ રહેતાં તેમની ગણના શિવસેના (UBT)ના મહત્ત્વના નેતામાં થાય છે. તેઓ પક્ષની લીગલ મૅટરની સાથે મહત્ત્વનું કામકાજ જુએ છે. શિક્ષિત હોવાની સાથે અંગ્રેજી બોલી શકતા હોવાથી તેમણે મુંબઈ સાઉથની બેઠક પર ટિકિટની માગણી કરી હતી, પરંતુ આ બેઠક આપવામાં આવી.
કુલ ઉમેદવાર ૧૫
આ બેઠક પર સોશ્યલ ડેમોક્રૅટિક પાર્ટી ઑફ ઇન્ડિયા, પીસ પાર્ટી, બહુજન સમાજ પાર્ટી, બહુજન રિપબ્લિકન સોશ્યલિસ્ટ પાર્ટી, ભારતીય જવાન કિસાન પાર્ટી, સોશ્યલ ડેમોક્રૅટિક પાર્ટી ઑફ ઇન્ડિયા, રાઇટ ટુ રીકૉલ પાર્ટી, આઝાદ સમાજ પાર્ટી (કાંશીરામ), રાષ્ટ્રીય મહાસ્વરાજ ભૂમિ પાર્ટી અને વંચિત બહુજન આઘાડી જેવા નાના પક્ષો ઉપરાંત અપક્ષ મળીને આટલા ઉમેદવારો છે.
કુલ મતદાર : ૧૪,૭૪,૪૦૫
પુરુષ મતદાર : ૭,૮૭,૬૬૭
મહિલા મતદાર : ૬,૮૬,૫૯૬
તૃતીયપંથી મતદાર : ૨૨૫
૨૦૧૯ની લોકસભા ચૂંટણીનું રિઝલ્ટ
વિજેતા ઃ રાહુલ શેવાળે, શિવસેના, ૪,૨૪,૯૧૩ મત
રનર-અપ ઃ એકનાથ ગાયકવાડ, કૉન્ગ્રેસ, ૨,૭૨,૭૭૪ મત
મતદાન ઃ ૫૫.૪૦ ટકા
ભૂતકાળના વિજેતા
વર્ષ વિજેતા પક્ષ
૨૦૦૪ મોહન રાવલે શિવસેના
૨૦૦૯ એકનાથ ગાયકવાડ કૉન્ગ્રેસ
૨૦૧૪ રાહુલ શેવાળે શિવસેના
વિધાનસભાની બેઠકો
અણુશક્તિનગર ઃ નવાબ મલિક, NCP-શરદચંદ્ર પવાર
ચેમ્બુર, પ્રકાશ ફાતરપેકર ઃ શિવસેના (UBT)
ધારાવી ઃ વર્ષા ગાયકવાડ, કૉન્ગ્રેસ
સાયન-કોલીવાડા ઃ તામિલ સેલવન, BJP
વડાલા ઃ કાલિદાસ કોલંબકર, BJP
માહિમ ઃ સદા સરવણકર, શિવસેના
મુંબઈ નૉર્થ સેન્ટ્રલ
ઉજ્જવલ નિકમ, ૬૯ વર્ષ, BJP
મુંબઈ પર ૨૬/૧૧નો આતંકવાદી હુમલો કરનારા પાકિસ્તાની આતંકવાદી અજમલ કસબને ફાંસીને માંચડે પહોંચાડનારા મહારાષ્ટ્રના સ્પેશ્યલ સરકારી વકીલને મરાઠી માણસના ચહેરા તરીકે ઉતારવામાં આવ્યા છે. શક્તિ મિલ ગૅન્ગરેપ, ગેટવે ઑફ ઇન્ડિયા અને ઝવેરી બજારના ટ્વિન બ્લાસ્ટના ગુનેગારોને સજા અપાવવામાં મહત્ત્વની ભૂમિકા ભજવી હતી. આંતરિક સુરક્ષા તેમ જ કાયદો અને વ્યવસ્થા જાળવવા માટે પક્ષના સ્ટૅન્ડને મજબૂતાઈ આપે છે.
વર્ષા ગાયકવાડ, ૪૯ વર્ષ, કૉન્ગ્રેસ
ધારાવીમાંથી ચાર વખત વિધાનસભ્ય તરીકે ચૂંટાઈ આવવાની સાથે મહારાષ્ટ્રનાં ભૂતપૂર્વ પ્રધાન પક્ષના સૌથી અનુભવી નેતા છે. BJPના મુંબઈમાં વધી રહેલા કદને રોકવા માટે ઉદ્ધવ ઠાકરેએ કૉન્ગ્રેસના ભૂતપૂર્વ સંસદસભ્ય એકનાથ ગાયકવાડનાં પુત્રીને સપોર્ટ આપ્યો છે. ઉદ્ધવ ઠાકરે બાંદરામાં રહે છે એટલે પણ તેમણે આ બેઠકમાં વધુ રસ દાખવ્યો છે.
કુલ ઉમેદવાર ૨૭
આ બેઠક પર રાષ્ટ્રીય ઉલેમા કાઉન્સિલ, ઇન્સાનિયત પાર્ટી, બહુજન મહા પાર્ટી, વંચિત બહુજન આઘાડી, પીપલ્સ પાર્ટી ઑફ ઇન્ડિયા (સેક્યુલર), મહારાષ્ટ્ર વિકાસ આઘાડી, ભારતીય જન વિકાસ આઘાડી, અખિલ ભારતીય મુસ્લિમ લીગ (સેક્યુલર), ઑલ ઇન્ડિયા મજલિસ-એ-ઇત્તેહાદ્દુલ મુસ્લિમીન અને બહુજન સમાજ પાર્ટી જેવા નાના પક્ષો ઉપરાંત અપક્ષ મળીને આટલા ઉમેદવારો છે.
કુલ મતદાર : ૧૭,૪૪,૧૨૮
પુરુષ મતદાર : ૯,૪૧,૨૮૮
મહિલા મતદાર : ૮,૦૨,૭૭૫
તૃતીયપંથી મતદાર : ૬૫
૨૦૧૯ની લોકસભા ચૂંટણીનું રિઝલ્ટ
વિજેતા ઃ પૂનમ મહાજન, BJP, ૪,૮૬,૬૭૨ મત
રનર-અપ ઃ પ્રિયા દત્ત, કૉન્ગ્રેસ, ૩,૫૬,૬૬૭ મત
મતદાન ઃ ૫૩.૬૮ ટકા
ભૂતકાળના વિજેતા
વર્ષ વિજેતા પક્ષ
૨૦૦૪ એકનાથ ગાયકવાડ કૉન્ગ્રેસ
૨૦૦૯ પ્રિયા દત્ત કૉન્ગ્રેસ
૨૦૧૪ પૂનમ મહાજન BJP
વિધાનસભાની બેઠકો
વિલે પાર્લે ઃ પરાગ અળવણી, BJP
ચાંદિવલી ઃ દિલીપ લાંડે, શિવસેના
કાલિના ઃ સંજય પોતનીસ, શિવસેના (UBT)
બાંદરા-ઈસ્ટ ઃ ઝીશાન સિદ્દીકી, કૉન્ગ્રેસ
બાંદરા-વેસ્ટ ઃ આશિષ શેલાર, BJP
કુર્લા ઃ મંગેશ કુડાળકર, શિવસેના
મુંબઈ નૉર્થ વેસ્ટ
અમોલ કીર્તિકર, ૫૨ વર્ષ, શિવસેના (UBT)
પપ્પા ગજાનન કીર્તિકર શિવસેનાના બે ટર્મથી સંસદસભ્ય છે. ગજાનન કીર્તિકરના પુત્ર છે એટલે ૧૦ વર્ષથી અહીંનું કામકાજ તેઓ જ પિતા વતી જુએ છે. ૨૦૧૯ની વિધાનસભાની ચૂંટણીમાં કાંદિવલી-ઈસ્ટની બેઠકમાં ચૂંટણી લડી હતી, પરંતુ પરાજય થયો હતો. ૯૦ના દાયકાથી શિવસેનામાં કાર્યરત છે. શિવસેનામાં ભંગાણ થયા બાદ પિતા એકનાથ શિંદે સાથે ગયા, પણ પોતે ઉદ્ધવ ઠાકરે સાથે જ રહેતાં ઉમેદવારી મળી.
રવીન્દ્ર વાયકર, ૬૫ વર્ષ, શિવસેના
ઉદ્ધવ ઠાકરેના વિશ્વાસુ જોગેશ્વરીમાં એક પ્લૉટના રીડેવલપમેન્ટના પ્રોજેક્ટમાં ૫૦૦ કરોડ રૂપિયાનો ગોટાળો કર્યો હોવાનો આરોપ થયા બાદ લોકસભાની ચૂંટણીની જાહેરાત થવાના થોડા સમય પહેલાં જ પાલો બદલીને એકનાથ શિંદે જૂથમાં સામેલ થયા. બૃહન્મુંબઈ મ્યુનિસિપલ કૉર્પોરેશને તેમની સામેની ફરિયાદ પાછી ખેંચ્યા બાદ ચાર વખત નગરસેવક અને ત્રણ વખતના વિધાનસભ્યને લોકસભાની ટિકિટ આપવામાં આવી.
કુલ ઉમેદવાર ૧૫
આ બેઠક પર બહુજન સમાજ પાર્ટી, આપકી અપની પાર્ટી (પીપલ્સ), સમાજ વિકાસ ક્રાન્તિ પાર્ટી, ભીમ સેના, રાઇટ ટુ રીકૉલ પાર્ટી, ઇન્ડિયા ગ્રીન્સ પાર્ટી, વંચિત બહુજન આઘાડી, ભારત જન આધાર પાર્ટી અને હિન્દુ સમાજ પાર્ટી જેવા નાના પક્ષો ઉપરાંત અપક્ષ મળીને આટલા ઉમેદવારો છે.
કુલ મતદાર : ૧૭,૩૫,૦૮૮
પુરુષ મતદાર : ૯,૩૮,૩૬૫
મહિલા મતદાર : ૭,૯૬,૬૬૩
તૃતીયપંથી મતદાર : ૬૦
૨૦૧૯ની લોકસભા ચૂંટણીનું રિઝલ્ટ
વિજેતા ઃ ગજાનન કીર્તિકર, શિવસેના, ૫,૭૦,૦૬૩ મત
રનર-અપ ઃ સંજય નિરુપમ, કૉન્ગ્રેસ, ૩,૦૯,૭૩૫ મત
મતદાન ઃ ૫૪.૪ ટકા
ભૂતકાળના વિજેતા
વર્ષ વિજેતા પક્ષ
૨૦૦૪ સુનીલ દત્ત કૉન્ગ્રેસ
૨૦૦૯ ગુરુદાસ કામત કૉન્ગ્રેસ
૨૦૧૪ ગજાનન કીર્તિકર શિવસેના
વિધાનસભાની બેઠકો
જોગેશ્વરી : રવીન્દ્ર વાયકર, શિવસેના
ગોરેગામ : વિદ્યા ઠાકુર, BJP
દિંડોશી : સુનીલ પ્રભુ, શિવસેના
વર્સોવા : ભારતી લવેકર, BJP
અંધેરી-વેસ્ટ : અમિત સાટમ, BJP
અંધેરી-ઈસ્ટ : ઋતુજા લટકે, શિવસેના (UBT)
મુંબઈ નૉર્થ ઈસ્ટ
મિહિર કોટેચા, ૪૯ વર્ષ, BJP
મુલુંડના આ વિધાનસભ્ય મુંબઈ મેટ્રોપૉલિટન રીજનના એકમાત્ર ગુજરાતી ઉમેદવાર છે. BJP મહારાષ્ટ્રના ટ્રેઝરર એવા આ નેતા લોકસભાની ચૂંટણી પહેલી વાર લડી રહ્યા છે, પણ તેમને વિધાનસભાની ચૂંટણી લડવાનો અનુભવ છે. ૨૦૧૪માં વડાલા વિધાનસભાની ચૂંટણી બહુ ઓછા મતથી હાર્યા હતા. ત્યાર બાદ ૨૦૧૯માં તેમને પોતાના હોમગ્રાઉન્ડ પર વિધાનસભાની
ટિકિટ મળી હતી અને તેઓ જીત્યા હતા. સંગઠનના વિશ્વાસુ હોવાથી BJPએ આ બેઠકમાં મનોજ કોટકને બદલે તેમને ઉમેદવારી આપી છે.
સંજય દીના પાટીલ, ૫૫ વર્ષ, શિવસેના (UBT)
૨૦૦૪માં ભાંડુપ વિધાનસભામાંથી ચૂંટાયા બાદ નૅશનલિસ્ટ કૉન્ગ્રેસ પાર્ટીએ ૨૦૦૯માં આ બેઠકની ઉમેદવારી આપતાં વિજય મેળવ્યો હતો. જોકે બાદમાં ૨૦૧૪ અને ૨૦૧૯ની ચૂંટણીમાં તેમનો પરાજય થયો હતો. ૨૦૧૯માં તેઓ શિવસેનામાં જોડાયા હતા. બે વર્ષ પહેલાં શિવસેનામાં ભાગલા પડ્યા ત્યારે તેઓ ઉદ્ધવ ઠાકરે સાથે રહ્યા હતા અને તેમને આ બેઠકની ઉમેદવારી આપવામાં આવી.
કુલ ઉમેદવાર ૨૦
આ બેઠક પર નૅશનલ પીપર્લ્સ પાર્ટી, વંચિત બહુજન આઘાડી, બહુજન સમાજ પાર્ટી, રાષ્ટ્રીય જનહિત સંઘર્ષ પાર્ટી, દેશ જનહિત પાર્ટી, ભારતીય જીવન કિસાન પાર્ટી, મહારાષ્ટ્ર વિકાસ આઘાડી, ઑલ ઇન્ડિયા ફૉર્વર્ડ બ્લૉક, રિપબ્લિકન પાર્ટી ઑફ ઇન્ડિયા, વીરોં કે વીર ઇન્ડિયન પાર્ટી અને સરદાર વલ્ભભભાઈ પટેલ પાર્ટી જેવા નાના પક્ષો ઉપરાંત અપક્ષ મળીને આટલા ઉમેદવારો છે.
કુલ મતદાર : ૧૬,૩૬,૮૯૦
પુરુષ મતદાર : ૮,૭૭,૮૫૫
મહિલા મતદાર : ૭,૫૮,૭૯૧
તૃતીયપંથી મતદાર : ૨૩૬
૨૦૧૯ની લોકસભા ચૂંટણીનું રિઝલ્ટ
વિજેતા ઃ મનોજ કોટક, BJP, ૫,૧૪,૫૯૯ મત
રનર-અપ ઃ સંજય દીના પાટીલ, NCP, ૨,૮૮,૧૧૩ મત
મતદાન ઃ ૬૦ ટકા
ભૂતકાળના વિજેતા
વર્ષ વિજેતા પક્ષ
૨૦૦૪ ગુરુદાસ કામત કૉન્ગ્રેસ
૨૦૦૯ સંજય દીના પાટીલ NCP
૨૦૧૪ કિરીટ સોમૈયા BJP
વિધાનસભાની બેઠકો
મુલુંડ ઃ મિહિર કોટેચા, BJP
વિક્રોલી ઃ સુનીલ રાઉત, શિવસેના (UBT)
ભાંડુપ ઃ રમેશ કોરગાંવકર, શિવસેના (UBT)
ઘાટકોપર-વેસ્ટ ઃ રામ કદમ, BJP
ઘાટકોપર-ઈસ્ટ ઃ પરાગ શાહ, BJP
માનખુર્દ ઃ અબુ આઝમી, સમાજવાદી પાર્ટી
મુંબઈ નૉર્થ