દેવેન્દ્ર ફડણવીસના જીવને જોખમ? સુરક્ષામાં કર્યો વધારો: સંજય રાઉતે કહ્યું તેઓ કેમ આટલા ડરે છે?...

Threat to Devendra Fadnavis Life: સેન્ટ્રલ ઇન્ટેલિજન્સ એજન્સી પાસે આવી રહેલી કેટલીક માહિતીમાં જાણવા મળ્યું છે કે નાયબ મુખ્ય પ્રધાન દેવેન્દ્ર ફડણવીસના જીવને `અલ્ટ્રા ફોર્સિસ`થી ખતરો છે અને કંઈક ષડયંત્ર રચવામાં આવી રહ્યું છે.

દેવેન્દ્ર ફડણવીસ અને સંજય રાઉત (ફાઇલ તસવીર)

આ મહિનાની 20મી તારીખે મહારાષ્ટ્રમાં વિધાનસભાની ચૂંટણી યોજાવાની છે. જેને પગલે રાજકારણનું માહોલ ગરમાયું છે. હાલમાં અનેક નેતાઓને મારી નાખવાની ધમકી આપવામાં આવી રહી છે, આ સાથે રાજ્યના ગૃહ પ્રધાન અને નાયબ મુખ્ય પ્રધાન દેવેન્દ્ર ફડણવીસની (Threat to Devendra Fadnavis Life) સુરક્ષા લઈને પણ એક એલર્ટ જાહેર કરવામાં આવ્યું છે જેને પગલે તેમની સુરક્ષામાં વધારો કરવામાં આવો છે. જોકે ફડણવીસની સુરક્ષામાં વધારો કરવાને લઈને શિવસેના ઉદ્ધવ બાળાસાહેબ ઠાકરેના નેતા સંજય રાઉતે ટીકા કરી છે.

શિવસેના (UBT) ના નેતા સંજય રાઉતે મહારાષ્ટ્રના ડેપ્યુટી સીએમ (Threat to Devendra Fadnavis Life) દેવેન્દ્ર ફડણવીસની વધેલી સુરક્ષા પર કટાક્ષ કર્યો છે. તેમણે કહ્યું કે રાજ્યના ગૃહ પ્રધાનની સુરક્ષામાં અચાનક વધારો કરવામાં આવ્યો છે. જોકે ગૃહ પ્રધાન અન્ય લોકોને સુરક્ષા પૂરી પાડે છે, પરંતુ તેમણે પોતે તેમની સુરક્ષા વધારી દીધી છે. અચાનક અમે તેના ઘરની બહાર ફોર્સ વન કમાન્ડોને તૈનાત જોયા. રાઉતે પૂછ્યું કે આપણા ગૃહ પ્રધાન કેમ આટલા ડરે છે? શું તેઓ પર ઇઝરાયેલ અને લિબિયા દ્વારા હુમલો કરવામાં આવશે?

સંજય રાઉતે કહ્યું, "અમે જોયું કે તેમના ઘરની બહાર કમાન્ડો તહેનાત કરવામાં આવ્યા છે. નાગપુરમાં (Threat to Devendra Fadnavis Life) તેમના નિવાસસ્થાનની બહાર 200 કમાન્ડો તહેનાત છે. આપણા ગૃહ પ્રધાન કેમ આટલા ડરે છે? કોણ તેમના પર હુમલો કરશે? શું ઈઝરાયેલ અને લિબિયા તેમના પર હુમલો કરશે? શું તે છે? રશ્મિ શુક્લા ભાજપના ડીજી કોણ છે, તેમણે આ બાબતે જણાવવું જોઈએ."

સેન્ટ્રલ ઇન્ટેલિજન્સ એજન્સી પાસે આવી રહેલી કેટલીક માહિતીમાં જાણવા મળ્યું છે કે નાયબ મુખ્ય પ્રધાન દેવેન્દ્ર ફડણવીસના જીવને `અલ્ટ્રા ફોર્સિસ`થી ખતરો છે અને કંઈક ષડયંત્ર રચવામાં આવી રહ્યું છે. કેન્દ્રીય ગુપ્તચર એજન્સીઓ દ્વારા રાજ્યની એજન્સીઓને આ માહિતી આપવામાં આવી હતી, ત્યારબાદ રાજ્ય પોલીસ (Threat to Devendra Fadnavis Life) દળને એલર્ટ કરવામાં આવ્યું હતું અને તરત જ નાયબ મુખ્ય પ્રધાન દેવેન્દ્ર ફડણવીસની સુરક્ષાની સંપૂર્ણ સમીક્ષા કરવામાં આવી હતી, ત્યારબાદ સુરક્ષા વધારી દેવામાં આવી છે. આ ઉપરાંત મુંબઈમાં તેમના સત્તાવાર નિવાસસ્થાન, નાગપુરમાં તેમના નિવાસસ્થાન અને તેમના કાર્યક્રમોની સુરક્ષા પણ વધારી દેવામાં આવી છે.

તમને જણાવી દઈએ કે કેન્દ્રીય ગુપ્તચર એજન્સીઓએ મહારાષ્ટ્રના પૂર્વ મુખ્ય પ્રધાન દેવેન્દ્ર ફડણવીસની સુરક્ષાને લઈને એલર્ટ જાહેર કર્યું હતું. રાજ્યના ગૃહ વિભાગના સૂત્રોએ આ વાતને સમર્થન આપ્યું હતું. જે બાદ દેવેન્દ્ર ફડણવીસની સુરક્ષા વધારી દેવામાં આવી હતી. તેમની સુરક્ષા માટે ફોર્સ વનના 12 જવાનોને તૈનાત કરવામાં આવ્યા છે. ઉલ્લેખનીય છે કે થોડા સમય પહેલા મુંબઈમાં એનસીપી નેતા બાબા સિદ્દીકીની હત્યા (Threat to Devendra Fadnavis Life) કરવામાં આવી હતી. બાબા સિદ્દીકીની પણ મારી નાખવાની ધમકી આપવામાં આવી હતી જેને પગલે તેમની સુરક્ષામાં પણ વધારવામાં આવી હતી.