વીક-એન્ડમાં મુંબઈમાં જોરદાર વરસાદ થઈ શકે

શનિ-રવિમાં મુંબઈમાં જોરદાર વરસાદ આવી શકે

પ્રતીકાત્મક તસવીર

મુંબઈગરાઓ છેલ્લા કેટલાક દિવસથી ભારે ગરમીનો અનુભવ કરી રહ્યા છે ત્યારે તેમના માટે રાહતના સમાચાર છે. હવામાન ખાતાએ એવી આગાહી કરી છે કે આ વીક-એન્ડમાં મુંબઈમાં ધોધમાર વરસાદ આવી શકે છે. રીજનલ મિટિયરોલૉજિકલ સેન્ટર, મુંબઈનાં ડિરેક્ટર ડૉ. સુષમા નાયરે ‘મિડ-ડે’ને જણાવ્યું હતું કે ‘હાલ અરબી સમુદ્રમાં કર્ણાટક પાસે હળવા દબાણનો પટ્ટો સર્જાયો છે જે ઉત્તર તરફ આગળ વધી રહ્યો છે. એથી આવનારા બે દિવસમાં એ મુંબઈ પાસેથી પસાર થશે અને એની અસરને કારણે શનિ-રવિમાં મુંબઈમાં જોરદાર વરસાદ આવી શકે.’

આજ અને આવતી કાલ માટે હવામાન ખાતાએ મુંબઈ અને થાણેમાં યલો અલર્ટ જ જાહેર કરી છે એટલું જ નહીં, મુંબઈમાં કેટલીક જગ્યાએ તો સોમવાર સુધી ભારે ગાજવીજ સાથે વરસાદનાં ભારે ઝાપટાં પડે એવી શક્યતા દર્શાવાઈ છે, જ્યારે રાયગડમાં તો આજથી ત્રણ દિવસ માટે ઑરેન્જ અલર્ટ જાહેર કરવામાં આવી છે.