સાયન રોડ ઓવર​બ્રિજ આજે રાતથી ભારે વાહનો માટે બંધ

સેન્ટ્રલ રેલવેના એક અધિકારીએ કહ્યું હતું કે ‘અમે ટ્રાફિક-પોલીસને સાયન ROB પર ભારે વાહનોની અવરજવર બંધ કરવા સંબંધે ગાઇડલાઇન જાહેર કરવાનું કહ્યું છે.

સાયન બ્રિજ (તસવીર સૌજન્ય: મિડ-ડે)

સેન્ટ્રલ રેલવેમાં સાયન ખાતેનો રોડ ઓવર​બ્રિજ (ROB) જોખમી હોવાનો રિપોર્ટ ઇન્ડિયન ઇન્સ્ટિટ્યૂટ ઑફ ટેક્નૉલૉજી (IIT)-બૉમ્બેએ આપ્યા બાદ આ ​​બ્રિજ ભારે વાહનોની અવરજવર માટે સુરક્ષિત નથી રહ્યો. આથી એને આજે રાતના ૧૨ વાગ્યાથી આવાં વાહનોની અવરજવર બંધ કરી દેવામાં આવશે. સેન્ટ્રલ રેલવેના એક અધિકારીએ કહ્યું હતું કે ‘અમે ટ્રાફિક-પોલીસને સાયન ROB પર ભારે વાહનોની અવરજવર બંધ કરવા સંબંધે ગાઇડલાઇન જાહેર કરવાનું કહ્યું છે. ખરાબ સ્થિતિમાં હોવાની સાથે આ ROB રેલવેની છત્રપતિ શિવાજી ટર્મિનસથી કુર્લા સુધી પાંચમી અને છઠ્ઠી લાઇન નાખવામાં પણ અડચણરૂપ છે એટલે ​​બ્રિજના અત્યારના ગર્ડરની લંબાઈ ૩૦ મીટરથી વધારીને ૪૯ મીટર કરવાની જરૂર છે.’