‘આખું મુંબઈ લૂંટી લીધું છે’: સંજય રાઉતનો પીએમ મોદી પર તીખો પ્રહાર

05 February, 2024 02:39 PM IST  |  Mumbai | Gujarati Mid-day Online Correspondent

ન્યૂઝ એજન્સી એએનઆઈ અનુસાર સંજય રાઉતે (Sanjay Raut Attacks on PM Modi) પીએમ મોદી પર નિશાન સાધતા કહ્યું કે, “તેઓ વારંવાર મહારાષ્ટ્રની મુલાકાતે આવે છે, પરંતુ તેઓ મહારાષ્ટ્ર માટે શું લાવી રહ્યા છે

સંજય રાઉતની ફાઇલ તસવીર

રાષ્ટ્રવાદી કૉંગ્રેસ પાર્ટી (NCP)થી અલગ થયેલા મંત્રી છગન ભુજબળે 3 ફેબ્રુઆરીએ દાવો કર્યો હતો કે તેમણે નવેમ્બરમાં શિંદે સરકારમાંથી રાજીનામું આપી દીધું હતું. આ દાવા બાદ મહારાષ્ટ્રના રાજકારણ (Sanjay Raut Attacks on PM Modi)માં ખળભળાટ મચી ગયો છે. દરમિયાન શિવસેના (UBT) જૂથના સાંસદ સંજય રાઉતે મહારાષ્ટ્ર સરકારને ઘેરી છે.

પીએમ મોદીની મુલાકાત પર નિશાન

ન્યૂઝ એજન્સી એએનઆઈ અનુસાર સંજય રાઉતે (Sanjay Raut Attacks on PM Modi) પીએમ મોદી પર નિશાન સાધતા કહ્યું કે, “તેઓ વારંવાર મહારાષ્ટ્રની મુલાકાતે આવે છે, પરંતુ તેઓ મહારાષ્ટ્ર માટે શું લાવી રહ્યા છે. મહારાષ્ટ્રના લોકો પીએમની મુલાકાતથી ડરી ગયા છે.” શિવસેના પ્રમુખ ઉદ્ધવ ઠાકરેના નિવેદન પર પ્રતિક્રિયા આપતા તેમણે કહ્યું, “અમે કોઈના દુશ્મન નથી. અમે અહીં લોકશાહી બચાવવા આવ્યા છીએ. પીએમ રાજ્યની મુલાકાતે છે. આ સારી વાત છે, પરંતુ તમે મહારાષ્ટ્રમાં શું લાવી રહ્યા છો?” જ્યારે પણ તેઓ અહીં આવે છે. રાજ્યના લોકો ડરી જાય છે.”

તેમણે કહ્યું હતું કે, “વડાપ્રધાન વારંવાર મહારાષ્ટ્રની મુલાકાતે છે. લગભગ આખું મુંબઈ લૂંટાઈ ગયું છે અને આખી લૂંટ ગુજરાતમાં જઈ રહી છે. માત્ર મહારાષ્ટ્રમાંથી જ નહીં, પરંતુ સમગ્ર દેશમાંથી જે કંઈ લૂંટાઈ શકે છે, તે ગુજરાતમાં જઈ રહ્યું છે.”

મસલ પાવરના દાવાને નોનસેન્સ ગણાવ્યો

સંજય રાઉતે (Sanjay Raut Attacks on PM Modi) કહ્યું કે, “જો છગન ભુજબળે દેવેન્દ્ર ફડણવીસને રાજીનામું આપ્યું છે તો તે ગેરકાયદેસર છે. રાજીનામું સીએમને આપવું જોઈએ, તેઓ લોકોને મૂર્ખ બનાવવાનો પ્રયાસ કરી રહ્યા છે.”

સાંસદ સંજય રાઉતે મંત્રી છગન ભુજબળના આ ઘટસ્ફોટને બકવાસ ગણાવ્યો અને કહ્યું કે, “તેમણે ગયા નવેમ્બરમાં રાજ્યના મંત્રીમંડળમાંથી રાજીનામું આપ્યું હતું.” વાસ્તવમાં, ભુજબળે દાવો કર્યો છે કે તેમણે ગયા વર્ષે કેબિનેટમાંથી રાજીનામું આપી દીધું હતું, પરંતુ તે પછી પણ તેઓ કેબિનેટની બેઠકોમાં જોવા મળ્યા હતા.

ભાજપે લાલકૃષ્ણ અડવાણીને રાષ્ટ્રપતિ બનાવવા જોઈએઃ સંજય રાઉતનું મોટું નિવેદન

ભાજપના વરિષ્ઠ નેતા લાલકૃષ્ણ અડવાણીને દેશના સર્વોચ્ચ પુરસ્કાર ભારત રત્ન જાહેર કરવામાં આવ્યો છે. અડવાણીએ ભાજપને આગળ વધારવામાં મોટી ભૂમિકા ભજવી છે. તેઓ વડાપ્રધાન પદ માટે યોગ્ય ન હોવાથી તેમને દૂર કરવામાં આવ્યા હતા. હવે આ મામલે શિવસેના ઉદ્ધવ ઠાકરેના સાંસદ સંજય રાઉતનું નિવેદન સામે આવ્યું છે. તેમણે કહ્યું કે, ભાજપે અડવાણીને રાષ્ટ્રપતિ બનાવવા જોઈએ. સંજય રાઉતે એમ પણ કહ્યું કે, છગન ભુજબળનું રાજીનામું એક ડ્રામા છે. તેઓ મુંબઈમાં મીડિયા સાથે વાત કરી રહ્યા હતા. લાલકૃષ્ણ અડવાણીનું યોગદાન મહાન છે. જો અડવાણીએ રામ રથયાત્રા શરૂ કરી ન હોત તો આજે ભાજપ દેખાતી ન હોત.

sanjay raut narendra modi shiv sena bharatiya janata party mumbai mumbai news