14 December, 2022 11:33 AM IST | Mumbai | Gujarati Mid-day Correspondent
દુર્લભ પ્રજાતિના કાચબા સાથે યુવક પકડાયો
બોરીવલીમાં ૨૦ દુર્લભ ઇન્ડિયન સ્ટાર ટૉર્ટોઇઝના સ્મગલિંગ બદલ ૩૩ વર્ષના એક યુવકની ધરપકડ કરવામાં આવી છે. એમએચબી પોલીસ સ્ટેશનના એક અધિકારીએ મંગળવારે જણાવ્યા મુજબ પોલીસે બાતમીના આધારે છટકું ગોઠવીને સોમવારે ગણપત પાટીલનગર વિસ્તારમાંથી આરોપીને ઝડપ્યો હતો.
સાડાત્રણ લાખ રૂપિયાના દુર્લભ પ્રજાતિના ૨૦ કાચબા વેચવા આવેલા માણસ પાસેથી કાચબા કબજે કરાયા હતા અને વાઇલ્ડલાઇફ પ્રોટેક્શન ઍક્ટની વિવિધ કલમો હેઠળ તેની ધરપકડ કરાઈ હતી. આરોપીએ આ કાચબા ક્યાંથી મેળવ્યા હતા અને એના ગ્રાહક કોણ છે એ શોધી કાઢવા માટે તપાસ ચાલી રહી હોવાનું અધિકારીએ ઉમેર્યું હતું.