યુવતીનો બળાત્કાર અને બ્લેકમેલ, ત્રણ વિરુદ્ધ કેસ દાખલ

પોલીસ પાસેથી મળતી માહિતી પ્રમાણે આરોપી સંજૂ અને નવીન સિંહે પીડિતાને પૈસા આપવાના બહાને બોલાવી અને પાણીમાં નશાયુક્ત પદાર્થ ભેળવીને તેના પર બળાત્કાર કર્યો.

પ્રતીકાત્મક તસવીર

પોલીસ અધિકારીઓએ રવિવારે 22 વર્ષીય યુવતી પર બળાત્કાર અને બ્લેકમેલ કરવાના આરોપમાં ત્રણ લોકો વિરુદ્ધ કેસ દાખલ કર્યો છે. અચોલે પોલીસ અધિકારીઓ પ્રમાણે પાલઘરના નાલાસોપારા વિસ્તારમાં રહેતી પીડિતાએ સંજૂ શ્રીવાસ્તવ, નવીન સિંહ અને હેમા સિંહ નામના ત્રણ લોકો વિરુદ્ધ કેસ દાખલ કરાવ્યો છે. પોલીસ પાસેથી મળતી માહિતી પ્રમાણે આરોપી સંજૂ અને નવીન સિંહે પીડિતાને પૈસા આપવાના બહાને બોલાવી અને પાણીમાં નશાયુક્ત પદાર્થ ભેળવીને તેના પર બળાત્કાર ગુજાર્યો. આરોપીઓમાંથી એક નવીન સિંહે પીડિતાનો વીડિયો બનાવ્યો અને તેને ઘણીવાર બ્લેકમેલ કરી.

પોલીસ પાસેથી મળેલી માહિતી મુજબ, સંજુ શ્રીવાસ્તવ એક રાજકીય પક્ષ સાથે સંકળાયેલો છે અને નાયગાંવમાં એક પેઇન્ટિંગ સ્ટુડિયોમાં યુનિયન પણ ચલાવે છે. કેસ નોંધાયા બાદથી ત્રણેય આરોપીઓ ફરાર છે.

મંગળવારે એક અલગ ઘટનામાં, પોલીસે એક વ્યક્તિની ધરપકડ કરી છે અને બીજા શંકાસ્પદને શોધી રહી છે, જે ફરાર છે. બંનેએ કથિત રીતે 16 વર્ષની છોકરી પર સામૂહિક બળાત્કાર કર્યો હતો અને જો તે પોલીસનો સંપર્ક કરશે તો વીડિયો જાહેર કરવાની ધમકી આપીને તેને બ્લેકમેલ કરી રહ્યો હતો.

આ ઘટના પાલઘર જિલ્લાના નાલાસોપારા વિસ્તારમાં બની હતી. અચોલે પોલીસ સ્ટેશને પીડિતાના નિવેદનના આધારે બે લોકો સામે કેસ નોંધ્યો છે, તેમના પર BNS તેમજ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સીસ (POCSO) એક્ટની કેટલીક જોગવાઈઓનું ઉલ્લંઘન કરવાનો આરોપ લગાવ્યો છે. પોલીસ જીયાનને શોધી રહી છે, જ્યારે બીજા આરોપી 23 વર્ષીય અનીસ શેખની ધરપકડ કરવામાં આવી છે. પોલીસના જણાવ્યા અનુસાર, મલાડની રહેવાસી યુવતી ઓગસ્ટમાં સોશિયલ મીડિયા દ્વારા આરોપી શેખને મળી હતી અને તેની સાથે મિત્રતા કરી હતી. 2 સપ્ટેમ્બરે પોલીસને આપેલા નિવેદન મુજબ શેખે તેને ટ્યુશન ક્લાસ માટે નાલાસોપારા બોલાવી હતી. જ્યારે યુવતી તેને મળવા ગઈ ત્યારે શેખ તેને એક લોજમાં લઈ ગયો અને તેની સાથે બળાત્કાર કર્યો.

ઉલ્લેખનીય છે કે, 16 સપ્ટેમ્બરના રોજ, મુંબઈ પોલીસે એક સગીર છોકરીના જાતીય શોષણના આરોપમાં એક વ્યક્તિની ધરપકડ કરી હતી. આ આરોપીનું નામ આરીફ મહેબૂબ કુરેશી હોવાનું જણાવવામાં આવી રહ્યું છે. ગઈકાલે એટલે કે મંગળવાર 24 સપ્ટેમ્બરે આરોપીનું મૃત્યુ થયું હતું. આ મામલામાં પોલીસ સુત્રો પાસેથી મળેલી માહિતી મુજબ તેનું મોત વાઈના હુમલાને કારણે થયું છે. પોલીસે આ કેસ નોંધીને તપાસ શરૂ કરી છે. આવો અમે તમને આ બાબતે વિગતવાર માહિતી આપીએ.

આરોપી આર્થર રોડ જેલમાં બંધ હતો
પ્રાપ્ત માહિતી અનુસાર, મુંબઈમાં પોલીસે 22 વર્ષીય યુવકની 16 વર્ષની છોકરી સાથે કથિત જાતીય શોષણના આરોપમાં ધરપકડ કરી છે. આ આરોપીનું નામ આરીફ મહેબૂબ કુરેશી હોવાનું જણાવવામાં આવી રહ્યું છે. આરોપીની 16 સપ્ટેમ્બરે ધરપકડ કરવામાં આવી હતી અને 20 સપ્ટેમ્બરે કોર્ટમાં રજૂ કરવામાં આવ્યો હતો. ત્યાંથી કોર્ટે આરોપીને પોલીસ જ્યુડિશિયલ કસ્ટડીમાં મોકલી દીધો હતો, ત્યારબાદ તેને આર્થર રોડ જેલમાં રાખવામાં આવ્યો હતો.

22 સપ્ટેમ્બરે એપીલેપ્ટીક એટેક આવ્યો હતો
આરોપીને આર્થર જેલ રોડમાં રાખવામાં આવ્યો હતો જ્યાં તેને 22 સપ્ટેમ્બરે વાઈનો હુમલો આવ્યો હતો. આ પછી તેને તરત જ જેજે હોસ્પિટલમાં દાખલ કરવામાં આવ્યો હતો પરંતુ ગઈકાલે એટલે કે 24 સપ્ટેમ્બર મંગળવારના રોજ તેનું મૃત્યુ થયું હતું. પોલીસે આરોપીના આકસ્મિક મૃત્યુનો કેસ નોંધીને તેની તપાસમાં વ્યસ્ત છે. પોલીસ સુત્રો પાસેથી મળેલી માહિતી મુજબ આરોપીનું મોત વાઈના હુમલાને કારણે થયું હતું.

મુંબઈ પોલીસે શું આપી માહિતી?
આ મામલામાં માહિતી આપતા પોલીસે જણાવ્યું કે, `22 વર્ષીય આરિફ મહેબૂબ કુરેશી, જેને 16 વર્ષની છોકરીનો પીછો કરવા અને હુમલો કરવા બદલ ધરપકડ કરવામાં આવી હતી, તેનું ગઈકાલે જેજે હોસ્પિટલમાં મૃત્યુ થયું હતું. જ્યારે તે આર્થર રોડ જેલમાં બંધ હતો ત્યારે બેચેનીની ફરિયાદ બાદ તેને ત્યાં દાખલ કરવામાં આવ્યો હતો. તેને 22 સપ્ટેમ્બરે દાખલ કરવામાં આવ્યો હતો. એનએમ જોશી માર્ગ પોલીસ સ્ટેશનમાં અકસ્માત મોતની નોંધ કરવામાં આવી છે.