નવેમ્બરના બીજા અઠવાડિયામાં ચૂંટણીની શક્યતા : એકનાથ શિંદે

મહારાષ્ટ્રની ૨૮૮ બેઠકો માટે બે તબક્કામાં ચૂંટણી યોજાય તો બહેતર છે એમ તેમણે વધુમાં જણાવ્યું હતું

એકનાથ શિંદે

મહારાષ્ટ્રના મુખ્ય પ્રધાન એકનાથ શિંદેએ તેમના સત્તાવાર નિવાસસ્થાન વર્ષા પર પત્રકારો સાથે થયેલી એક બેઠકમાં કહ્યું હતું કે નવેમ્બરના બીજા અઠવાડિયામાં રાજ્યમાં વિધાનસભાની ચૂંટણી થ​‍વાની શક્યતાઓ છે એટલે બેઠકોની વહેંચણી આવતા ૮થી ૧૦ દિવસમાં ફાઇનલ થઈ જશે અને જેનો મેરિટ અને સ્ટ્રાઇકરેટ સારો હશે તેને ઉમદેવારી આપવામાં આવશે. મહારાષ્ટ્રની ૨૮૮ બેઠકો માટે બે તબક્કામાં ચૂંટણી યોજાય તો બહેતર છે એમ તેમણે વધુમાં જણાવ્યું હતું.