મુંબઈમાં ઝડપથી વધી રહ્યા છે કોરોનાના નવા કેસ, છેલ્લા ચાર અઠવાડિયામાં નોંધાયા આટલા દર્દીઓ

મહારાષ્ટ્રમાં મુંબઈ અને પુણેમાં કોવિડના 53 ટકા કેસ છે, રાજ્ય વિભાગના ડેટા મુજબ 14 જિલ્લાઓમાં સાપ્તાહિક કોવિડ પોઝિટિવિટી રેટ 5થી 14 ટકાની વચ્ચે છે

પ્રતીકાત્મક તસવીર

મુંબઈ, પુણે થાણે, નાશિક અને સોલાપુર એવા ટોચના પાંચ જિલ્લાઓમાં છેલ્લા ચાર અઠવાડિયામાં કોવિડ (Covid-19)ના કેસોમાં સતત વધારો જોવા મળ્યો છે. મહારાષ્ટ્ર (Maharashtra)માં મુંબઈ અને પુણેમાં કોવિડના 53 ટકા કેસ છે. જોકે, રાજ્યના આરોગ્ય અધિકારીઓ પણ ઔરંગાબાદ, ગોંદિયા અને અકોલા જેવા જિલ્લાઓમાં Omicron સબવેરિયન્ટ XBB.1.16માં ઝડપી વધારો દેખાઈ રહ્યો છે. 5 ટકાથી વધુનો ઉચ્ચ કોવિડ પોઝિટિવિટી રેટ એ લાલ નિશાન છે. રાજ્ય વિભાગના ડેટા મુજબ 14 જિલ્લાઓમાં સાપ્તાહિક કોવિડ પોઝિટિવિટી રેટ 5થી 14 ટકાની વચ્ચે છે. સાંગલીમાં 20-25 માર્ચ દરમિયાન કોવિડ પોઝિટિવિટી રેટ 14.6 ટકા હતો, જ્યારે પુણેમાં સાપ્તાહિક કોવિડ પોઝિટિવિટી રેટ 11.1 ટકા હતો.

રાજ્યના આરોગ્ય વિભાગના મુખ્ય સચિવ નવીન સોનાએ ગયા અઠવાડિયે વીડિયો કોન્ફરન્સિંગ દ્વારા ઉચ્ચ જોખમ ધરાવતા જિલ્લાઓના અધિકારીઓ, સિવિલ સર્જન અને જિલ્લા આરોગ્ય અધિકારીઓ સાથે બેઠક યોજી હતી. તેમણે બેઠકમાં કહ્યું કે મુંબઈ, પુણે, થાણે, સાંગલી, ઔરંગાબાદ, ગોંદિયા અને અકોલામાં રોગ હળવો હોવા છતાં સંખ્યા ઝડપથી વધી રહી છે.

અધિકારીઓએ એડવાઈઝરી જાહેર કરી

આરોગ્ય વિભાગના ટોચના અધિકારીઓએ નાગપુર અને અમરાવતી વિભાગના વહીવટીતંત્રને ઉચ્ચ રોગપ્રતિકારક શક્તિથી બચી રહેલા અને ઝડપથી ફેલાતા કોવિડ પેટા વેરિઅન્ટ XBB.1.16 સાથે વ્યવહાર કરવા માટે કડક પગલાં લેવાનો નિર્દેશ આપ્યો છે. જાહેર આરોગ્ય વિભાગના અધિકારીઓએ શ્વસનની બીમારી ધરાવતા લોકો માટે હોમ સેલ્ફ-આઇસોલેશન અને ભીડવાળા સ્થળોએ કડક માસ્કિંગ અંગે એક એડવાઈઝરી જાહેર કરી છે.

આ પણ વાંચો: NMACC: જ્યારે નીતા અંબાણીએ રઘુપતિ રાઘવ રાજા રામ પર કર્યો ડાન્સ, જુઓ વીડિયો

સમગ્ર રાજ્યમાં કોવિડના કેસમાં વધારો

સમગ્ર મહારાષ્ટ્રમાં કોવિડ પોઝિટિવિટી રેટ 25 ફેબ્રુઆરી-3 માર્ચના સપ્તાહમાં 0.62 ટકાથી વધીને 18-24 માર્ચના સપ્તાહમાં 4.99 ટકા થયો છે. પુણેમાં કોવિડ પોઝિટિવિટી રેટ 25 ફેબ્રુઆરીથી 3 માર્ચના સપ્તાહમાં 1.94 ટકાથી વધીને 18-24 માર્ચના સપ્તાહમાં 9.23 ટકા થયો છે. 18-24 માર્ચના સપ્તાહમાં અહેમદનગરમાં કોવિડ પોઝિટિવિટી રેટ વધીને 8.2 ટકા થયો છે, જ્યારે ઔરંગાબાદમાં 9.89 ટકા પોઝિટિવિટી નોંધાયો છે. રાજ્યના આરોગ્ય વિભાગના અહેવાલ મુજબ, 10 માર્ચે 405 કેસની સામે મહારાષ્ટ્રમાં 24 માર્ચે 1,763 કેસ નોંધાયા છે. 10 માર્ચે પુણેમાં નોંધાયેલા 155 કેસમાંથી 24 માર્ચે આ આંકડો વધીને 510 થયો છે.