મુંબઈને પાંચ વર્ષમાં મળશે ૨૫૦ વધુ લોકલ ટ્રેન

પનવેલ, કલ્યાણ, કુર્લા અને પરેલમાં નવાં ટર્મિનસ પણ શરૂ કરવામાં આવશે.

મુંબઈ લોકલ ટ્રેનની ફાઇલ તસવીર

કેન્દ્રીય બજેટમાં મહારાષ્ટ્ર અને મુંબઈને ખાસ કંઈ આપવામાં આવ્યું ન હોવાના વિરોધ પક્ષોના આરોપ થઈ રહ્યા છે ત્યારે રેલવેપ્રધાન અશ્વિની વૈષ્ણવે ગઈ કાલે કહ્યું હતું કે ‘મુંબઈમાં રેલવેના વિકાસ માટે બજેટમાં ૧૫,૯૪૦ કરોડ રૂપિયાની જોગવાઈ કરવામાં આવી છે. આ રૂપિયામાંથી આગામી પાંચ વર્ષમાં વેસ્ટર્ન અને સેન્ટ્રલ રેલવેમાં ૨૫૦ વધુ લોકલ સામેલ કરવામાં આવશે. આથી મુંબઈગરાઓની હાલાકીમાં રાહત થશે. આ સિવાય આ સમયગાળામાં મુંબઈથી ૫૦થી ૧૦૦ જેટલી બહારગામની નવી ટ્રેનો શરૂ કરવામાં આવશે. આ ઉપરાંત પનવેલ, કલ્યાણ, કુર્લા અને પરેલમાં નવાં ટર્મિનસ પણ શરૂ કરવામાં આવશે.’