30 October, 2024 11:33 AM IST | Mumbai | Gujarati Mid-day Correspondent
સલમાન ખાન અને ઝીશાન સિદ્દીકીને ધમકી આપનારા ૨૦ વર્ષના યુવાનને મુંબઈ પોલીસ સોમવારે નોએડાથી પકડી લાવી છે
સલમાન ખાન અને ઝીશાન સિદ્દીકીને ધમકી આપનારા ૨૦ વર્ષના યુવાનને મુંબઈ પોલીસ સોમવારે નોએડાથી પકડી લાવી છે. નિર્મલનગર પોલીસના જણાવ્યા અનુસાર આરોપી યુવાને પહેલાં ઝીશાન સિદ્દીકીના હેલ્પલાઇન નંબર પર ધમકીનો મેસેજ કર્યો હતો અને એ પછી એ જ નંબર પર વૉઇસ-મેસેજ મોકલ્યો હતો. આ ઉપરાંત તેણે ઝીશાનની પબ્લિક રિલેશન્સ ઑફિસમાં પણ ફોન કર્યો હતો, જેમાં તેણે ઝીશાન સિદ્દીકીને અને સલમાનને મારી નાખવાની ધમકી આપી હતી. પોલીસે ટેક્નિકલ પુરાવાના આધારે તેની ધરપકડ કરી હતી.