Mumbai:ચેમ્બુર સહિત ત્રણ જગ્યાએ ફાટી નિકળી આગ, ભિવંડી ગોડાઉનમાં બધું બળીને રાખ

છેલ્લા કેટલાક કલાકોમાં મહારાષ્ટ્ર(Maharashtra)ના અલગ-અલગ શહેરોમાંથી ભીષણ આગ(Mumbai Fire)ની અનેક ઘટનાઓ સામે આવી છે. આગની આ ઘટનાઓ રાજ્યના મુંબઈ(Mumbai), ભિવંડી(Bhiwandi) અને પૂના (Pune) શહેરોમાં બની છે.

પ્રતીકાત્મક તસવીર

છેલ્લા કેટલાક કલાકોમાં મહારાષ્ટ્ર(Maharashtra)ના અલગ-અલગ શહેરોમાંથી ભીષણ આગ(Mumbai Fire)ની અનેક ઘટનાઓ સામે આવી છે. આગની આ ઘટનાઓ રાજ્યના મુંબઈ, ભિવંડી અને પુણે શહેરોમાં બની છે. મુંબઈની ઘટનામાં આગ લાગવાનું કારણ શોર્ટ સર્કિટ ગણાવવામાં આવ્યું છે, ત્યારે ભિવંડી અને પૂણેની ઈમારતોમાં શા માટે આગ લાગી તે હજુ સુધી જાણી શકાયું નથી. રાહતની વાત એ છે કે આ ઘટનાઓમાં કોઈ જાનહાનિ સામે આવી નથી.

મુંબઈના ચેમ્બુર બિલ્ડિંગમાં આગ લાગી છે

મુંબઈના ચેમ્બુર વિસ્તારમાં સ્થિત સ્વસ્તિક ચેમ્બર નામની કોમર્શિયલ બિલ્ડીંગના 7મા માળે સવારે 3 વાગ્યે આગ(Chembur Fire)લાગી હતી. ઘટનાની જાણ થતાં જ ફાયર બ્રિગેડ અને પોલીસ અધિકારીઓ ઘટનાસ્થળે પહોંચી ગયા હતા અને આગને કાબૂમાં લેવાનું શરૂ કર્યું હતું અને આગ પર કાબૂ મેળવી લીધો હતો. આ ઘટનામાં કોઈને ઈજા કે જાનહાનિના સમાચાર નથી. એસીમાં શોર્ટ સર્કિટના કારણે આગ લાગી હતી અને બિલ્ડીંગમાં ફેલાઈ હોવાની આશંકા છે.

આ પણ વાંચો: મુંબઈગરાંઓ ગુજરાત જવા બોરીવલીની ભીડથી બચી શકશે, જોગેશ્વરી ટર્મિનસનું કામ થશે શરૂ

ભિવંડીમાં ભંગારના ગોદામમાં આગ લાગી હતી
બીજી તરફ મુંબઈને અડીને આવેલા થાણેના ભિવંડી શહેરમાં આજે સવારે એક ભંગારના ગોદામમાં અચાનક આગ (Bhiwandi Fire)ફાટી નીકળી હતી. ઘટનાની જાણ થતાં ફાયર બ્રિગેડની ટીમ ઘટનાસ્થળે પહોંચી હતી અને 3 કલાક સુધી આગ પર કાબુ મેળવ્યો હતો. આ દરમિયાન ગોડાઉનમાં રાખેલો કચરો સંપૂર્ણપણે બળીને રાખ થઈ ગયો હતો. રાહતની વાત એ છે કે આ ઘટનામાં કોઈ જાનહાનિ થઈ નથી. આગ લાગતાની સાથે જ ગોડાઉનમાં હાજર લોકો બહાર આવી ગયા હતા અને ફાયર બ્રિગેડને જાણ કરી હતી. આગ લાગવાનું કારણ સ્પષ્ટ થઈ શક્યું નથી.

પૂનામાં લાકડાના ગોડાઉનમાં આગ લાગી
રાજ્યના પુના શહેરના ભવાની પેઠમાં આવેલા લાકડાના ગોદામમાં વહેલી સવારે 4 વાગ્યે ભીષણ આગ ફાટી નીકળી હતી. લાકડાના ગોડાઉનમાં લાગેલી આગ ઝડપથી ફેલાઈ અને આસપાસની 4 રહેણાંક ઈમારતો અને અનેક દુકાનોને લપેટમાં લઈ લીધી. ઘટનાની જાણ થતાં ફાયર બ્રિગેડની ટીમ ઘટનાસ્થળે પહોંચી હતી અને આગ પર કાબૂ મેળવવાના પ્રયાસો ચાલુ છે. ફાયરની ટીમે ઘટનાસ્થળેથી 10 જેટલા ગેસ સિલિન્ડરને બહાર કાઢ્યા, નહીંતર મોટી ઘટના બની શકી હોત. 18 ફાયર એન્જિન અને લગભગ 80 થી 100 કર્મચારીઓ આગ ઓલવવામાં રોકાયેલા છે. આગ લાગવાનું કારણ સ્પષ્ટ થયું નથી.