Mumbai Fire: માનખુર્દમાં સ્ક્રેપ કમ્પાઉન્ડમાં ભભૂકી આગ, લાખોનો માલસામાન બળીને રાખ 

મુંબઈ(Mumbai Fire)ના મંડલા(Mankhurd Fire)માં ભંગારના વેરહાઉસમાં ભીષણ આગ ફાટી નીકળી હતી. આ આગ માનખુર્દ વિસ્તારમાં લાગી છે. આગની જાણ થતાં જ મોટી સંખ્યામાં ફાયર બ્રિગેડ ઘટનાસ્થળે પહોંચી ગઈ હતી.

પ્રતિકાત્મક તસવીર

મુંબઈ(Mumbai Fire)ના મંડલા(Mankhurd Fire)માં ભંગારના વેરહાઉસમાં ભીષણ આગ ફાટી નીકળી હતી. આ આગ માનખુર્દ વિસ્તારમાં લાગી છે. આગની જાણ થતાં જ મોટી સંખ્યામાં ફાયર બ્રિગેડ ઘટનાસ્થળે પહોંચી ગઈ હતી અને આગ પર કાબૂ મેળવવાનો પ્રયાસ શરૂ કર્યો હતો. જ્વાળાઓ એટલી ઉંચી વધી રહી છે કે તે દૂરથી જોઈ શકાય છે. જો કે ભંગારના ગોદામમાં આગ લાગવાનું કારણ હજુ સુધી જાણવા મળ્યું નથી. પરંતુ આ ભીષણ આગને કારણે લાખોનો માલસામાન બળીને રાખ થઈ ગયો છે.

ભંગારના કમ્પાઉન્ડમાં તેલના ડ્રમ અને પ્લાસ્ટિકમાંથી ભીષણ આગ

મુંબઈ ફાયર બ્રિગેડ વિભાગે જણાવ્યું હતું કે માનખુર્દ વિસ્તારમાં સ્ક્રેપ કમ્પાઉન્ડમાં આગ લેવલ 3 ની છે. જો કે રાહતની વાત એ છે કે આ આગમાં હજુ સુધી કોઈ જાનહાની થઈ નથી. મુંબઈના ફાયર વિભાગે જણાવ્યું કે માનખુર્દ વિસ્તારમાં આગની માહિતી સવારે 3.07 વાગ્યે મળી હતી. ફાયર બ્રિગેડ વિભાગે જણાવ્યું હતું કે મંડલામાં ઘાટકોપર માનખુર્દ લિંક રોડ પાસે કુર્લા સ્ક્રેપ કોર્પોરેશન નામના સ્ક્રેપ કમ્પાઉન્ડમાં આગ લાગી છે. ફાયર વિભાગના જણાવ્યા અનુસાર, આગ ઈલેક્ટ્રીકલ વાયર, ઈલેક્ટ્રીકલ સાધનો, ભંગાર સામગ્રીના ઢગલા, લાકડાની વસ્તુઓ, તેલના ડ્રમ, ખુલ્લા મેદાનમાં પડેલા પ્લાસ્ટિક અને કચરાના 8 થી 10 માળના ગોડાઉન સુધી સીમિત છે.

આ પણ વાંચો: Photos: મુંબઈમાં પડી પરસેવે રેબઝેબ કરતી ગરમી, તાપમાન વધીને 33 ડિગ્રી સેલ્સિયસ પહોંચ્યું

અગાઉ ગઈકાલે પણ થાણેમાં ભંગારના બે ગોડાઉનમાં આગ લાગી હતી. મહારાષ્ટ્રના થાણે જિલ્લામાં સોમવારે સવારે બે ભંગારના ગોડાઉનમાં આગ લાગી હતી. થાણે મ્યુનિસિપલ કોર્પોરેશનના પ્રાદેશિક ડિઝાસ્ટર મેનેજમેન્ટ સેલ (RDMC)ના વડા અવિનાશ સાવંતે જણાવ્યું હતું કે મુંબ્રા-પનવેલ રોડ પર શિલફાટા વિસ્તારમાં સોમવારે સવારે લગભગ 6 વાગ્યે આગ ફાટી નીકળી હતી. તેમણે જણાવ્યું કે અકસ્માતમાં કોઈ જાનહાનિ થઈ નથી. અધિકારીના જણાવ્યા અનુસાર ગોડાઉનમાં કાર્ડબોર્ડ અને કોટનના ગોદડા રાખવામાં આવ્યા હતા.