Mumbai Fire : પરેલની શાળામાં ફાટી નીકળી આગ, કોઈ જાનહાની નહીં

Mumbai Fire : સોમવારે સવારે પરેલમાં બૃહન્મુંબઈ મ્યુનિસિપલ કોર્પોરેશન સંચાલિત શાળામાં આગ લાગી હતી

વીડિયોમાંથી લેવાયેલો સ્ક્રિનશૉટ

સોમવારે સવારે બૃહન્મુંબઈ મ્યુનિસિપલ કોર્પોરેશન (Brihanmumbai Municipal Corporation) સંચાલિત શાળામાં આગ (Mumbai Fire) લાગી હતી. અધિકારીઓના જણાવ્યા અનુસાર, પરેલ (Parel)માં મિન્ટ કોલોની મોનોરેલ સ્ટેશન (Mint Colony Monorail Station) પાસે આવેલી સાંઈબાબા સ્કૂલ (Saibaba School)માં આગ લાગી હતી. અધિકારીઓએ ઉમેર્યું હતું કે, આ દુર્ઘટનામાં કોઈ જાનહાનિના અહેવાલ નથી.

આ ઘટનાની જાણ સવારે ૯.૧૬ વાગ્યાની આસપાસ થઈ હતી અને મુંબઈના ફાયર બ્રિગેડ (Mumbai Fire Brigade)ના કર્મચારીઓ તરત જ ઘટનાસ્થળે દોડી ગયા હતા. BMC સ્કૂલના સ્ટોરેજ રૂમમાંથી આગ ફાટી નીકળી હતી, જેમાં ગાદલામાં આગ લાગી હતી. ગાદલામાં આગ કેવી રીતે લાગી તે હજુ સુધી જાણી શકાયું નથી. સવારે ૯.૨૦ વાગ્યે લેવલ ૧ એલર્ટ જાહેર કરવામાં આવ્યું હતું અને ફાયર બ્રિગેડના કર્મચારીઓએ ૯.૩૧ વાગ્યા સુધીમાં તેને સંપૂર્ણપણે કાબુમાં લીધી હતી. આગ મુખ્યત્વે પાંચ માળની BMC સ્કૂલ બિલ્ડિંગના ગ્રાઉન્ડ ફ્લોર પર ઇલેક્ટ્રિક વાયરિંગ, ઇલેક્ટ્રિક ઇન્સ્ટોલેશન અને ગાદલા સુધી મર્યાદિત હતી.

આસિસ્ટન્ટ ડિવિઝનલ ફાયર ઓફિસર (Assistant Divisional Fire Officer - ADFO), એક સિનિયર સ્ટેશન ઓફિસર (Senior Station Officer - Sr SO), ત્રણ સ્ટેશન ઓફિસર (Station Officers - SO), ચાર ફાયર એન્જિન (Fire Engines - FE), ત્રણ જેટ ટેન્ડર (Jet Tenders - JT), એક એરિયલ વર્ક પ્લેટફોર્મ (Aerial Work Platform - AWTT), એક વોટર ક્વિક રિસ્પોન્સ વ્હીકલ (Water Quick Response Vehicle - WQRV) અને એક ક્વિક રિસ્પોન્સ વ્હીકલ (Quick Response Vehicle - QRV) સ્થળ પર હાજર હતા.

પોલીસ, બૃહન્મુંબઈ ઈલેક્ટ્રીક સપ્લાય એન્ડ ટ્રાન્સપોર્ટ - બેસ્ટ, ૧૦૮ એમ્બ્યુલન્સ સેવાઓ અને સ્થાનિક વોર્ડ કામદારો સહિત અનેક સંસ્થાઓને મદદ માટે બોલાવવામાં આવી હતી. આ બહુ-એજન્સી અભિગમ વ્યાપક અને અસરકારક કટોકટી પ્રતિસાદની ખાતરી આપે છે.

અન્ય એક ઘટનામાં, સોમવારે મુંબઈના કાંદિવલી (Kandivali)માં ૨૩ માળની રહેણાંક ઈમારતમાં આગ ફાટી નીકળી હતી, જે ૧૩મા માળે ડક્ટ એરિયામાંથી લાગી હતી. આ ઘટના સમર્થવાડી ખાતે બની હતી, અને મુંબઈ ફાયર વિભાગને સવારે ૪.૦૦ વાગ્યાની આસપાસ પરિસ્થિતિ અંગે જાણ કરવામાં આવી હોવાનું ANIના અહેવાલમાં જણાવવામાં આવ્યું હતું.

અહેવાલ મુજબ, મુંબઈ ફાયર વિભાગના અધિકારીઓએ પુષ્ટિ કરી હતી કે SRA બિલ્ડિંગમાં લાગેલી આગને કાબૂમાં લેવા માટે ફાયર ટેન્ડરોને તાત્કાલિક ઘટના સ્થળે તૈનાત કરવામાં આવ્યા હતા. સ્થાનિક રહેવાસીઓએ આગની જાણ કરી અને તરત જ એલાર્મ વગાડ્યું, જેનાથી ફાયર બ્રિગેડ દ્વારા ઝડપી પ્રતિસાદ આપવામાં આવ્યો. અત્યાર સુધીમાં, આગની ઘટનાના પરિણામે કોઈ ઇજા કે જાનહાનિના અહેવાલ નથી. અહેવાલમાં ઉમેર્યું હતું કે ફાયર વિભાગના કર્મચારીઓ આગને બુઝાવવા અને બચાવ કામગીરી હાથ ધરવા સક્રિયપણે રોકાયેલા છે.