Mumbai Crime: 19 વર્ષના દિકરાએ તીક્ષ્ણ હથિયારના ઘા મારી મારીને કરી બાપની હત્યા, જાણો કારણ

મુંબઈ(Mumbai crime)ના થાણે(Thane)માં હ્રદય કંપી ઉઠે એવી ઘટના સામે આવી છે. 19 વર્ષના દિકરાએ જ બાપનું ઢીમ ઢાળી દીધું છે. જાણો યુવાના દિકરાએ શા માટે આવું પગલું ભર્યુ?

પ્રતિકાત્મક તસવીર

કહેવત છે ને કે જ્યારે ઘરના જ ઘાતકી બને ત્યારે કોને દોષ દેવો. ઘરના જ લોકો મોતને ઘાટ ઉતારે એવી અનેક ઘટનાઓ સામે આવી છે અને હજી પણ આવી ઘટના અટકવાનું નામ નથી લેતી. જોકે, ઘણીવાર એવું બનતું હોય છે કે પરિવારના સભ્ય માટે જ જાણે અજાણ્યે અન્ય સભ્યનો જીવ લઈ લેતા હોય છે. મુંબઈ(Mumbai crime)ના થાણે(Thane)માં આવી જ એક ઘટના ઘટી છે.જ્યાં એક દિકારાએ જ બાપનું ઢીમ ઢાળી દીધું. 

પોલીસે સોમવારે મહારાષ્ટ્ર(Maharashtra)ના થાણે(Thane)જિલ્લામાં કથિત રીતે તેના પિતાની હત્યા કરવા બદલ 19 વર્ષીય યુવકની ધરપકડ કરી હતી એમ એક અધિકારીએ જણાવ્યું હતું. આ ઘટના રવિવારે અંબરનાથ વિસ્તારમાં બની હતી. ઉલ્હાસનગર પોલીસ કંટ્રોલ રૂમના અધિકારીએ જણાવ્યું હતું કે, આરોપી પ્રકાશ તેના 52 વર્ષીય પિતા રાજેશ વર્માથી નારાજ હતો કારણ કે તે તેની પત્ની સાથે વારંવાર દુર્વ્યવહાર કરતો હતો અને માર મારતો હતો.

આરોપીએ તેના પિતાને તેની માતાને માર મારવાનું ટાળવા કહ્યું હતું. પરંતુ તે સમજતો નહોતો. અનેક વાર સમજાવ્યા બાદ પણ રવિવારે બપોરે વર્માએ ફરીથી તેની પત્નીને માર મારવાનું શરૂ કર્યું. આ જોઈ દિકરો રોષે ભરાયો અને તીક્ષ્ણ હથિયાર વડે તેના પિતા પર જીવલેણ હુમલો કર્યો.

આ પણ વાંચો: મુંબઈમાં હાઈપ્રોફાઈલ સેક્સ રેકેટનો પર્દાફાશ, ભોજપુરી અભિનેત્રીની ધરપકડ

અધિકારીએ જણાવ્યું કે, આરોપીએ તીક્ષ્ણ છરી ઉપાડી અને તેના પિતા પર કથિત રૂપે સંખ્યાબંધ ઘા કર્યા હતા. પરિવારના અન્ય સભ્યો ઘાયલ વ્યક્તિને સ્થાનિક હોસ્પિટલમાં લઈ ગયા જ્યાં ડૉક્ટરોએ તેને મૃત જાહેર કર્યો. પોલીસે જણાવ્યું હતું કે આરોપીની ધરપકડ કરવામાં આવી હતી અને હત્યાના આરોપમાં ગુનો નોંધવામાં આવ્યો હતો.