મુંબઈ કોસ્ટલ રોડ: કામ મોડું થતાં બીએમસીએ કૉન્ટ્રેક્ટર્સને ફટકાર્યો અધધધ દંડ

અનિલ ગલગલી દ્વારા દાખલ આરટીઆઈના જવાબમાં હતી, જેમાં બીએમસીને મુંબઈના તટીય માર્ગ પ્રકલ્પ વિશે વિભિન્ન માહિતી માગવામાં આવી હતી. તેમણે કહ્યું કે  ખર્ચમાં વધારાને જોતાં ફટકારવામાં આવેલા દંડનું મૂલ્ય ખૂબ જ ઓછું છે.

મુંબઈ કોસ્ટલ રોડ (ફાઈલ તસવીર)

બીએમસીએ તાજેતરમાં જ કહ્યું કે તેણે મુંબઈના તટીય માર્ગ પરિયોજનાના કામમાં મોડું કરવા માટે કૉન્ટ્રેક્ટર્સ પર 35 કરોડ રૂપિયાનો દંડ ફટકાર્યો છે. આ કાર્યકર્તા અનિલ ગલગલી દ્વારા દાખલ આરટીઆઈના જવાબમાં હતી, જેમાં બીએમસીને મુંબઈના તટીય માર્ગ પ્રકલ્પ વિશે વિભિન્ન માહિતી માગવામાં આવી હતી. તેમણે કહ્યું કે  ખર્ચમાં વધારાને જોતાં ફટકારવામાં આવેલા દંડનું મૂલ્ય ખૂબ જ ઓછું છે.

વિભાગે કહ્યું કે મુંબઈ તટીય માર્ગ પરિયોજનાનું કામ ત્રણ ભાગમાં વહેંચવામાં આવ્યું છે.

તબક્કો 1)
Mumbai Coastal Road: પ્રિયદર્શિની પાર્કથી બડૌદા પેલેસ સુધીનું કામ આપવામાં આવ્યું. કૉન્ટ્રેક્ટર પર 11.63 કરોડ રૂપિયાનો દંડ ફટકારવામાં આવ્યો છે, કારણકે કામ 9 જૂન 2023ની પ્રારંભિક સમાપ્તિ તારીખ ત્રણ વખત વધારીને 10 સપ્ટેમ્બર, 2023 અને છેલ્લે 22 મે, 2025 કરવામાં આવી છે.

તબક્કો 2)
આ કામ બરોડા પેલેસથી બાન્દ્રા વર્લી સી લિંકના દક્ષિણ છેડે સુધી વિસ્તરેલ છે અને મૂળરૂપે 15 ઓક્ટોબર, 2022 સુધીમાં પૂર્ણ થવાનું હતું. જો કે, આ કામ 25 ઓક્ટોબર, 2024 સુધીમાં પૂર્ણ થવાની સંભાવના છે.

તબક્કો 3)
પ્રિન્સેસ સ્ટ્રીટ અને પ્રિયદર્શિની પાર્ક વચ્ચે 7.25 કરોડ રૂપિયાનો દંડ ફટકારવામાં આવ્યો હતો. ઉપરોક્ત બાંધકામ પૂર્ણ થવાની તારીખ 12 ઓક્ટોબર, 2022 હતી. 25 મે, 2023ની પ્રારંભિક પૂર્ણતાની તારીખથી 26 નવેમ્બર, 2023 અને એપ્રિલ 2, 2024 સુધી કામ ત્રણ વખત લંબાવવામાં આવ્યું છે.

પ્રોજેક્ટ હવે તેના અંતિમ તબક્કામાં છે, અત્યાર સુધીમાં 91 ટકા કામ પૂર્ણ થયું છે. કોન્ટ્રાક્ટરે BMC પાસે 181 દિવસનો સમયગાળો માંગ્યો છે.

નોંધનીય છે કે, ૧૧ માર્ચે એટલે કે બે મહિના અને ૧૭ દિવસ પહેલાં ભારતના પહેલવહેલા મુંબઈ કોસ્ટલ રોડના પહેલા ફેઝની શરૂઆત કરવામાં આવી હતી. મરીન ડ્રાઇવથી વરલી સુધીના ૧૦.૫ કિલોમીટર લંબાઈના સમુદ્રને અડીને આવેલા આ રોડમાં બે કિલોમીટરની ટનલ છે. આ ટનલમાં લીકેજ થઈ રહ્યું હોવાની જાણ થતાં આ માર્ગનું લોકાર્પણ કરનારા મુખ્ય પ્રધાન એકનાથ શિંદેએ ગઈ કાલે કોસ્ટલ રોડની મુલાકાત કરી હતી. તેમણે બૃહન્મુંબઈ મ્યુનિસિપલ કૉર્પોરેશન (BMC)ના વરિષ્ઠ અધિકારીઓ અને એન્જિનિયરો સાથે લીકેજ બાબતે ચર્ચા કર્યા બાદ કહ્યું હતું કે ‘કોસ્ટલ રોડની ટનલમાં બે સાંધામાંથી પાણી લીક થઈ રહ્યું હોવાનું ધ્યાનમાં આવ્યું છે. આમ છતાં કોસ્ટલ રોડના મૂળ સ્ટ્રક્ચરને કોઈ જોખમ નથી. ટનલના તમામ પચીસ સાંધામાં પૉલિમર ઇન્જેક્શન ગ્રાઉટિંગ કરીને તાત્કાલિક ધોરણે બંધ કરવાનો આદેશ આપ્યો છે. ૧૦ જૂને કોસ્ટલ રોડનો બીજો ફેઝ પણ શરૂ કરી દેવામાં આવશે. આથી અત્યારે જેમ વરલીથી મરીન ડ્રાઇવ જઈ શકીએ છીએ એમ બાજુના માર્ગમાં મરીન ડ્રાઇવથી વરલી સુધીનો પ્રવાસ કરી શકાશે.’